Basilio II

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Basilio II
Emperador de l'Imperio Bizantín

Basilio II
976 - 1025
Predecesor Chuan I Tzimisces
Succesor Constantín VIII
Naixencia 958
Muerte 15 d'aviento de 1025
Dinastía Dinastía macedonica
Pai Román II
Mai Teófano Anastaso

Basilio II (Βασίλειος Β΄ Βουλγαροκτόνος en griego, Bulgaroctonos significa "matador de bulgaros"), ye naixito en 958 y muerto o 15 d'aviento de 1025 en Costantinoble, estió emperador de l'Imperio Romano d'Orient dende o 10 de chinero de 976 dica a suya muerte en l'anyo 1025. Encara que haiga pasato a la posteridat con a embotata de Bulgaroctonos en os suyos tiempos yera conoixito como "Balisio o porfirocheneta" u "Basilio o choben", diferenciando-lo de Basilio I Macedón. En o suyo mandato i habió campanyas contra os gazaros, os arabes y sobretot con o reino bulgaro de Macedonya u Bulgaria Ocidental, que deixó d'estar independient.

En a primera parte d'o suyo reinau (976-989) esclafa una revuelta d'a nobleza. Con os bulgaros se mantién a la defensiva, aturando a expansión d'o reino bulgaro de Samuel, y esto li permite de luitar contra o emir arabe d'Halepo. Basilio II consigue amanar politicament a los eslaus orientals y en l'anyo 989 Vladimir I o Gran de Kiev ye baptizato.

En a segunda parte d'o suyo reinau (989-1001) adreza a suya ofensiva contra os bulgaros y os arabes de Siria. En Siria ha d'intervenir en l'anyo 994 cuan o califa fatimí d'Echipto asitiaba Halepo, y en l'anyo 999 cuan os fatimís yeran amenazando Antioquía. Dimpués d'estas campanyas invade Cheorchia se l'anexiona.

e ell tornó a Contastinoble e aprés fue en Iveria por haver la posessión de la eredat de David, senyor de Iveria, havía lexado al emperador de Contastinoble, qui lexó al imperio toda su part. E ido l'emperador allá, huvo la posessión de la dita eredat, e ultra la dita posessión ha havida toda Iveria. E al ermano del dito David, qui havía nombre Gola, le ha dado por su parte Iveria que era más allá

Por ixe tiempo Samuel de Bulgaria abanzaba enta Costantinoble y ye derrotatato en l'anyo 996 por Niceforo Uranos en as Termopilas.

Samuel, senyor de los búrgaros, no solament fazía danyo a la ciudat de Trachi e de Macedonia, mas encara a la Elada e a la Morea; por que l'emperador envió una huest contra ell, e capitán maestro Nicoforo, otrament clamado Uranó, el cual era capitán general sobre todos los otros devés ponent

En a tercera part d'o suyo reinau (1001-1018) con o suyo costato oriental seguro, adreza totas as fuerzas contra os bulgaros d'a muga nordoccidental. Basilio II encomienza una guerra total por a que li posan d'embotata Bulgaroctonos y en 1014 Samuel sufre una derrota total en una batalla chunto a lo río Struma[1]. Os bulgaros se sozmeten ya de pa cutio en l'anyo 1018, y atros pueblos amés d'os bulgaros se sozmeten a los bizantins, como indica o "Libro de los Emperadors".

que ha sosmesa toda Burgaria al imperio, e encara otra nación, que se clama Croatas e toda la senyoría del Sirmio. Mas el senyor de uachios se rebelló de la obediencia imperial

Os bizantins tamién intervienen en o sud d'Italia y Sicilia. Os bizantins vencen a los normandos y longobardos en 1013 en batalla de Cannas.

En a cuarta part d'o suyo reinau Basilio II en una campanya por tierras trascaucasianas (1018-1022) torna a ocupar Cheorchia y recibe a sumisión d'o rei d'Armenia. O Imperio Bizantín s'annexiona o Vaspurakán. O "Libro de los Emperadors" en parla:

E aprés aquesto, seyendo l'emperador fuera de todo pienso de traimiento, priso batalla contra lo senyor de los avasquios, la qual batalla fue grant e mortal entre amas las partes, de todo eun día non se levaron avantage, más otro día l'amperador ha havido victoria en manera que es señor de los avaschios (en o manuscrito uachios) fuyó a Ibería, (referindo-se a Cheorchia central).

En l'anyo 1025 os bizantins ocupan Mecina en Sicilia.

En l'anyo 1037 se creya a seu metropolitana de Kiev, dependient d'o patriarcato de Costantinoble.

o imperio bizantín cuan moriba Basilio II


Predecesor:
Chuan I Tzimisces 		Emperador de l'Imperio Bizantín
976-1025 		Succesor:
Costantín VIII


Referencias

  1. ↑ Hermann Kinder, Werner Hilgemann, Manfred Hergt Atlas Histórico Mundial. De los orígenes a nuestros días Akal, 2007.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.