Dios (d'o latín < deus)^[1] tien diferent significau seguntes si ye escrito en minuscla u en mayuscla:

1. En minuscla: deidat a la que se da u daba culto en una relichión. Cualsiquiera d'os sers superiors a l'hombre con capacidaz sobrenaturals. Se veiga mitolochía.
2. En mayuscla: en as relichions monoteistas (chudaísmo, cristianismo y islam), ser supremo y omnipotent, creyador de l'Universo. A concepción de "Dios" no ye identica en istas tres relichions, encara que todas tres tienen o suyo orichen en l'Antigo Testamento. Asinas, por eixemplo, a mayor parti d'os cristianos creyen en a Santisma Trinidat. Antimás d'a suya omnipotencia, tiene conoiximiento de tot o que existe, ha existiu u existirá.

Bi ha quí define a Teolochía como la ciencia que tracta de Dios, anque no se basa en os metodos cientificos y no puede estar considerada como tal.

As personas que negan a existencia de dioses se claman ateas. A disaparición d'a certitut d'a existencia de Dios ye comentada por autors como Friedrich Nietzsche. Ta bellunas d'istas personas, o concepto de Dios ha deixau como racada gran cantidat de tradicions y costumbres mantenius en "o suyo nombre" que han deixau a l'humán, como ser animal, en un segundo plan, cosa que ha feito chirar a historia en contra d'él mesmo, deixando-lo a la voluntat de Dios.

As personas que ni afirman ni niegan a existencia de Dios, se claman agnosticos. No creyen ni en a existencia ni en a no existencia de dioses.

• Se veigan as imáchens de Commons sobre Dios.