Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lecera Lécera
Municipio d'Aragón
Ermita de Santo Domingo
Entidat  • País  • Provincia  • Comarca	Municipio  Aragón  Zaragoza Campo de Belchit
Partiu chudicial	Zaragoza
Superficie	109,2 km²
Población  • Total	578 hab. (2025)
Altaria  • Meyana	530 m.
Distancia  • 60 km	enta Zaragoza
Codigo postal	50131
Parroquial  • Archidiocesi  • Arcipestrau  • Parroquia	Zaragoza Belchit Santa María Malena
Coordenadas	41°12’11’’N 0°42’38’’U
Lecera Lecera en Aragón
Web oficial

Lecera (Lécera en castellano) ye una villa y municipio d'a provincia de Zaragoza, situato en o Campo de Belchit.^[1] A suya población ye de 777 habitants (2004), en una superficie de 109,2 km².

La localidat de Lecera ye situada en o semontano norte d'a sierra d'Arcos, en un plan gran que bi ha en o interfluvio Martín-Aguas.

En os plans de Lecera bi ha vinyals que permiten una producción de vins d'alta graduación conoixius en a comarca.

Lo suyo termin municipal muga con Íxar, Albalat de l'Arcebispe, Muniesa, Moneva, Letuix, Almonecir de la Cuba y Belchit

Almonecir de la Cuba	Belchit	Íxar
Letuix		Albalat de l'Arcebispe
Moneva	Muniesa	Albalat de l'Arcebispe

Bi ha un chacimiento que s'ha identificato, nomás que por o nombre, con a Lassira de Ptolomeu.

En l'anyo 1431 o rei Alifonso V lo Magnanimo cedió Lecera a lo sinyor d'Íxar Chuan Ferrández d'Íxar y Centelles por compra.

En o Libro del Reparo del General de 1489-1491 s'escribe Lezara. Actualment a chent viella d'a comarca de Lecera pronuncia Lecera como palabra plana y no esdruixula como en castellano.

En o suyo termin bi ha interesants toponimos en aragonés u de base aragonesa como: Barranco Cascán, Balsa las clochas, Cucutas, Barranco de la Chineta, Alberizas, Fandeguero, Barranco de los Estancos de la Grallera, Barranco del Tollo, Las Varellas, Sisallosa, Hondo de la Plana, El Plano las Muelas, El bolar, Corral de Farfalla, Blanquizares y Parellón.

Abundan los toponimos de formacions vechetals con sufixo -osa (que tamién se troban en l'Alto Aragón):

• Barranco de Romerosa
• Sisallosa
• Sabinoso
• Ermita de la Rebollosa

Estos toponimos sufixaus con -osa continan en termins güegals como lo de Muniesa Corral la Aliagosa.

Tamién ye interesant o toponimo Escorcha bueyes un nombre de partida que ye mal castellanizau en lo mirador que bi ha como Escorcha boes, amostrando desaparición de -y- pa evitar a epentesi antihiatica (como en foeta y boalar), y lo retacule d'a diftongación debant de Yod.

Evolución demografica

1992 1994 1996 1997 1998 1999 2000 2001 2002 - - - - 860 850 837 828 829

2003 2004 2005 2006 2007 2008 2009 2010 2011 786 777 776 758 736 736 732 765 759

2012 2013 2014 2015 2016 2017 2018 2019 2020 757 754 730 729 726 687 661 633 631

2021 2022 2023 2024 2025 2026 2027 2028 - 642 634 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Eleccions municipals[2][3]
Partiu	1979	1983	1987	1991	1995	1999	2003	2007	2011	2015
Partido Aragonés	4	7	7	7	4	4	4	4	4	4
Partido de los Socialistas de Aragón	3	2	2	2	2	1	1	1	1	2
Partido Popular	-	-	-	0	1	0	2	2	2	1
Unión de Centro Democrático	2	-	-	-	-	-	-	-	-	-
Total	9	9	9	9	7	5	7	7	7	7

Lista d'alcaldes

Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	José Chavarría Poy	Partido Aragonés
2015–2019	Paquita López Orduna	Partido Aragonés
2019–2023
2023–2027	Victor Manuel De La Sierra Tabuenca [4]	PP

• Primer cabo de semana de mayo, virchen de l'Olivar, dimpués romería ta La Rebollosa.
• 4 d'agosto, Santo Domingo de Guzmán.
• 30 d'octubre, Santa Cenobia.

• Jesús Gracia: ixotero.