INFORMASILENGKAP.COM

	Liverpool; Liverpool
	Localidat d'o Reino Uniu
	; Liverpool.
Estau; • País constituyent; • Rechión; • Condau	Reino Uniu; Anglaterra; Nord-ueste d'Anglaterra‎; Merseyside
Superficie	115,65 km²
Población; • Total; • Densidat	; 513 441 hab. (2016); 3.931,29 hab/km²
Altaria; • Meyana	; 70 m.
Codigo postal	L1-L8, L9 (part),; L10-L19, L24,; L25, L27, L67,; L68, L69(part),; L70 (part), L71-L75
Coordenadas	53°24’25’’N 2°59’30’’U
	Liverpool Liverpool en Reino Uniu
	Web oficial

Liverpool ye una ciudat d'Anglaterra, en o condau de Merseyside y en a rechión d'o Nord-ueste d'Anglaterra‎. A suya población ye de 434.900 habitants (estimación de 2007) en una superficie de 115,65 km², con una densidat de población de 3.931,29 hab/km².

Etimolochía

No i hai claridat arredol de l'orichen d'o nombre d'a ciudat, que se troba escrito en diversas formas lo que ha levau a diferents explicacions sobre lo suyo significau. Una d'ellas especula con que vien de l'au Liver, una au mitica interpretada en l'actualidat como lo cormorán que se puede apreciar sobre l'edificio Royal Liver Building. Per unatra parte, atros apelan a que la ciudat prene lo nombre d'a Liver Insurance, una institución que orichinalment ocupó l'edificio anteriorment mencionau.

O nombre d'a ciudat de Liverpool se troba per primera vegada escrito cuan lo conde Roger de Poitou construyió en ella un castiello alto u baixo en l'anyo 1089, ye decir, poco tiempo dimpués d'a conquiesta normanda d'Anglaterra, y a on a los suyos piez poco dimpués cualques pescataires que viviban en cabanas acudioron a lo castiello feudal a buscar protección.

Economía

Historicament, a economía de Liverpool yera concentrada arredol d'a actividat portuaria y la industria, encara que en l'actualidat menos d'o 10 % de l'emplego en a ciudat se troba en estes sectors. Manimenos, lo puerto d'a ciudad sigue estando un d'os puertos mas importants d'o Reino Uniu y la siede britanica de muitas linias navieras, entre las que s'incluyen a chaponesa NYK Line y la danesa Maersk Line.

Hue en día, como en gran parte d'a resta d'o Reino Uniu la economía de Liverpool ye dominada per empresas d'o sector terciario, tanto publicos como privaus. Mas d'a metat de tot l'emplego en a ciudat se concentra en os sectors de l'administración publica, la educación, la salut, la banca, las finanzas y las seguranzas.

Esporte

L'esporte mes practicau y representativo de Liverpool ye lo fútbol. Os equipos mes importants d'a ciudat, son o Liverpool Football Club, que ha ganau 18 vegadas a Premier League d'Anglaterra y chuga en l'Estadio d'Anfield, y l'Everton Football Club, un d'os clubs que establieron a Primera división de fútbol d'Anglaterra, y que ha ganau 9 vegadas (amás d'estar l'equipo que mes vegadas ha partecipau) a Primera división d'Anglaterra, clamada actualment Premier League.

Instalacions esportivas

Entre las instalacions esportivas de Liverpool destacan l'estadio de fútbol d'Anfield, construyiu en l'anyo 1884 y lo lugar a on i chuga los suyos partius como local o Liverpool FC; y lo Goodison Park, que ye a on chuga como local l'Everton, l'atro equipo important d'a ciudat. En os dos estadios tamién se fan conciertos de musica.

También destaca l'hipodromo d'Aintree, a on se i disputa la competición de cursas de caballos con obstaclos mas famosa d'o mundo.

Competicions esportivas

Liverpool estió una d'as seus d'a seus d'a Eurocopa de 1966, chugandose-ie partius d'o Grupo C, y un partiu de cuartos de final.

O Grand National, que se celebra en lo hipodromo d'a ciudat, ye la cursa de caballos mas antiga y famosa d'o mundo, y se celebra oficialment dende l'anyo 1839, anque ye un desafio mas antigo, a lo menos existent dende l'anyo 1803.