Mayos
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Os mayos son una fiesta tradicional celebrata l'1 de mayo en amplas zonas d'o centro y norte d'a Peninsula Iberica.
A maya u o mayo[1] ye un tronco u palo alto (árbol de mayo) que s'alza en a plaza u puesto publico en o mes de mayo y d'on s'achuntaban os mozos y mozas pa divertir-sen con bailes y fiestas.[2] Os chóvens competiban por puyar por l'árbol dica plegar ta la parte d'alto on heban d'agafar a bandera, mientres as mesachas los animaban dende abaixo bailando u cantando arredol l'árbol.
A palabra maya evolucionó en castellano ta maja, con atro significato y que s'aplicó a la palabra majo, castellanismo admeso en aragonés.
Orichen
L'antropologo Caro Baroja la considera d'orichen celta y diz comenta que se celebra en Galicia, a Meseta y a parte d'Aragón on vivioron os celtibers. En atros países on estioron os celtas existen fiestas pareixitas o mesmo día como o Beltaine (fuego de Bel) en Irlanda.
Tradición rechional
En Aragón
En Aragón se celebra en lugars d'a provincia de Zaragoza, como Morata de Xalón, y lugars d'a provincia de Teruel como Fridas d'Albarracín, Griegos y Guadalaviar. En Forcallo y Torralba de los Fraires celebraban as Mayas, que a ilesia bedó en o sieglo XVI.
En Castiella
En Castiella os cantos d'esta celebración se dedicaban a la virchen María, pero dimpués s'aproveitoron pa rondar a las mozas casaderas, a las autoridaz y a los funcionarios recient plegatos a lo lugar. Una orquestina gosaba acomapanyar a os rondadors. A moza rondata u maya yera obligata a invitar a lo mozo a una buena brenda. A los d'a orquestina lis se daba una garnacha. Os mayos se celebran dica en zonas tan surorientals como Motilla del Palancar u Minglanilla (Manchuela Cuencana), y dica en a Manchuela Albaceteña.
En o País Valenciano
En Castellón y Valencia se celebra, amás de Castellón capital, en bels lugars de l'interior,(Cinctorres, Serra d'en Galcerán, Argelita, Herbers, Vallat, Borriana, La Foya y Chuliella), beluns d'os cuals se repobloron con aragoneses como Borriana u Chuliella. En a Provincia de Valencia tamién celebran os mayos en Tueixa, lugar repoblato con aragoneses.
Referencias
- ↑ (es) Chesús de Mostolay EL SOMONTANÉS Diccionario de voces y expresiones, Albama Literaria, 2022, ISBN 978-84-09-41341-6, p.464
- ↑ (es) Julio Martínez, "Origen y significación de los árboles 'mayos'", pp. 133-138 en I Congreso de Aragón de Etnología y Antropología (PDF), Institución Fernando el Católico, 1981, ISBN 84-00-04802-4
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.