INFORMASILENGKAP.COM

	Milano; Milano
	Localidat d'Italia
	; Piazza del Duomo
Estau; • Rechión; • Ciudat metrop.	Italia; Lombardía; Milán
Superficie	183,77 km²
Población; • Total; • Densidat	; 1 354 196 hab. (2023); 7.188,95 hab/km²
Altaria; • Meyana	; 136 m.
Alcalde	Giuliano Pisapia
Codigo postal	20121, 20122, 20123, 20124, 20125, 20126, 20127, 20128, 20129, 20131, 20132, 20133, 20134, 20135, 20136, 20137, 20138, 20139, 20141, 20142, 20143, 20144, 20145, 20146, 20147, 20148, 20149, 20151, 20152, 20153, 20154, 20155, 20156, 20157, 20158, 20159, 20161, 20162
Prefixo	02
Codigo ISTAT; Codigo catastral	015146; F205
Chentilicio	Milanés/a
Fiestas	7 d'aviento
Patrons	Sant Ambrosio
Coordenadas	45°N 27°E
	Milano Milano en Italia
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Milán (en italiano Milano, en lombardo oriental; Milà y en milanés; Milan) ye a prencipal ciudat y comuna d'Italia septentrional, capital d'a ciudat metropolitana de Milán y d'a rechión de Lombardía, a mas desarrollada y poblada d'Italia. Os suyos habitants son clamatos milaneses, pero tamién los claman meneguitos (en italiano; meneghitti, en milanés; meneghitt) d'o nombre d'a mascarita de carnaval Meneguín (en italiano; Meneghino, en milanés; Meneghin).

Milán ye ubicata a 120 metros d'altaria sobre o livel d'a mar, en as planas de Lombardía, y ye a seu d'a Bolsa italiana. En a provincia bi ha 188 comunas.

A ciudat tien una población de 1.308.311 habitants en una superficie de 182 km², con una densidat de población de 7.188,52 hab/km², encara que a suya provincia tien 1.982 km² y 3.775.765 habitants.

Entre os molimentos y os palacios mas famosos de Milán se troban o Duomo, o Castiello Esforcesco con os suyos museus y o teatro de la Scala.

Toponimia

O nombre de Milán vien de Mediolanum, una palabra que ye a traza latina d'escribir o nombre celtico d'a ciudat (os galos no deixoron escrito o nombre d'a suya ciudat en a suya luenga, probablement maguer no yera guaire diferent). Ista palabra ye composata per o prefixo indoeuropeu *medhyo- "meyo, en meyo" y per la palabra celtica lan, que significa "plana" (en indoeuropeu yera *plano-, pero parte d'as luengas celtas tresbate a p inicial de palabra).

En os textos de Chuan Ferrández d'Heredia s'escribe Milán.

Historia

Milán fue fundata por os galos cisalpins, ye dicir, os galos d'o norte d'Italia a lo sud d'os Alpes, que entroron en Italia dimpués de l'anyo 400 aC y fue clamata Mediolanum por os romanos que la conquerioron en 222 aC.

En o sieglo IV, a ciudat se convertió en a capital de l'Imperio Romano d'Occident, dimpués d'a Caida de l'Imperio Romano pierde parte d'a suya importancia que no recupera dico o sieglo XI.

Mientres o Renaiximiento, Milán fue gobernata por os duques d'as familias Visconti y Sforza.

Dimpués de intentar conquerir o resto d'Italia septentrional en o sieglo XV, fue conquiesta por Francia y Espanya a principios d'o sieglo XVI y por l'Imperio Austriaco mientras o sieglo XVIII, pero dimpués d'a Revolución francesa, a ciudat se convertió en uno d'os prencipals centros d'o nacionalismo italiano, reclamando a suya independencia y a unificación italiana.