Milú

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Milú
Milú
Milú
Información personal
Especie: Can
Personache de cómic
Cómic: As aventuras de Tintín
Debuixant: Hergé
Anyo: 1929

Milú (en francés Milou) ye un personache de ficción d'o cómic As aventuras de Tintín, d'o dibuixant belga Hergé. Ye un can de raza, Fox terrier de pelo duro y blanco. Ye o companyero de Tintín en a serie de cómics que leva o mesmo nombre que o protagonista.

Biografia de ficción

Milú ye d'a raza Fox terrier y o suyo pelo ye blanco de tot. A suya personalidat ye la d'un can fachendoso y laminero a qui tamién le cuaca o whisky.[1] A diferencia d'o suyo amo, Milú se caracteriza por tener mas os piez en a tierra; no ye obsesionau con a misión a cumplir, estando a suya prencipal aspiración a tranquilidat, lo que le fa desconfiar muitas vegadas d'as iniciativas d'o suyo amo.

Encara que ye indeciso por momentos, Milú se desfá d'as suyas vacilacions cuan se tracta de rescatar a Tintín, ta o que recurre a o suyo inchenio y a o suyo valor.

Papel en as aventuras

En os primers álbums d'a serie, Milú tien un papel central, ya que ye l'unico companyero d'o suyo amo. Os dos mantienen verdaderas conversacions, a on o can ocupa en bel inte o puesto de confident y d'obchector.

Entre atras feguras anecdoticas, s'ha de resaltar a fascinación que exerce o whisky ta iste can, particularment cuan se tracta d'a (ficticia) marca Loch-Lomond, lo que le ocasiona no pocos problemas. En iste sentiu, ye muit pareixiu a o Capitán Haddock, dica o punto de que pareixe estar a mesma prefiguración. O can y o capitán son personaches d'o mesmo orden, que equilibran con alegría lo que Tintín pueda tener d'excesivament saputo u virtuoso. Posiblement ye por ista razón que o papel de Milú se ve sensiblement disminuyiu dimpués de l'aparición de Haddock en a serie.

O nombre

O nombre orichinal de Milou se debe a la primera moceta de l'autor Hergé a la edat de 18 anys (Marie-Louise Van Cutsem, dita afectuosament "Milou"). Por ista razón muitos cometen a error d'afirmar que Milú se tracta d'una fembra. Manimenos, as actituz d'a mascota y o constant uso d'a parola chien (en francés, can) deixan claro que Milú ye d'un masclo. Amo y can son tan inseparables que mientres muitos anyos a serie sobre as aventuras de l'agudo reportero se titulaba As aventuras de Tintín y Milú.

Referencias

  1. ↑ (es) Milu pasea su hueso nº 4 Pag.2-16. Editorial Moulinsart. 2014. Figuras de Tintín la colección oficial. ISBN 978-84-684-2529-0

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.