Morganyo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Morganyo d'a especie Neomys anomalus.

Morganyo[1][2][3] ye o nombre trivial que reciben en Aragón[1] diferents especies de mamiferos placentarios muit chicorrons miembros d'a familia Soricidae, de dieta insectivora, con orellas y uellos muit chicos que habitualment no se veyen entre o pelo. Mesuran entre 5 y 9 centimetros de largaria y nomás pesan bels gramos.

Como tamién as musaranyas, os morganyos tienen vereno en a saliva y si mosigan (p. ex. cuan s'intenta pillar-los con a man) a ferida s'inflama y fa mal bels días. Os soricidos (morganyos y musaranyas) son d'es pocos mamiferos verenosos que i ha, en chunto con uns atros parients amanaus suyos, os solenodontidos que habitan en as Grans Antillas, y con l'ornitorrinco.

Creyencias populars

O feto d'estar verenosos ha feto que os morganyos tiengan una mala consideración en a cultura tradicional. En as zonas an que se cría muto bistiar, se tiende a creyer que a fizadura u mueso d'un morganyo ye la causa de diferents malotías en animals como a uella, a craba u a vaca, razón por a cual istes mamiferos diminutos son encorrius y muertos cuan s'en troba uno.

Gerónimo Borao escribe en o suyo diccionario:

(es) ·Ratón campesino muy hocicudo que suele mamar de las ovejas causándoles la muerte: su caracter venenoso ha dado origen al proverbio si te pica el morgaño prevén el escaño

Referencias

  1. ↑ 1,0 1,1 (es) Morgaño en o DRAE, consultau o 24 d'agosto de 2018.
  2. ↑ (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals; Edicions Val d'Onsera, Zaragoza 2004. ISBN 978-84-8986-235-7.
  3. ↑ (es) PARDO ASSO, José, Nuevo diccionario etimológico aragonés (voces, frases y modismos usados en el habla de Aragón); Institución «Fernando el Católico» + Diputación Provincial de Zaragoza + Gara d'Edizions (Ed. Facsímil). Zaragoza, 2002. ISBN 84-8094-101-4

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.