Mostar Мостар
Localidat de Bosnia y Herzegovina
Envista de Mostar y o puent viello.
Estau  • Entidat  • Cantón	Bosnia y Herzegovina Fed. Bosnia-Herzegovina Herzegovina-Neretva
Superficie	97 km²
Población  • Total	105 448 hab. (2003)
Altaria  • Meyana	55 m.
Codigo postal	88000
Ríos	Neretva
Coordenadas	43°20’37’’N17°48’27’’E
Mostar Mostar en Bosnia y Herzegovina
Web oficial

Mostar (Мостар en alfabeto cerilico) ye una ciudat de Bosnia y Herzegovina situada en o cantón de Herzegovina-Neretva. Ye la capital historica d'a rechión d'Herzegovina

A suya población s'estima en 128.448 habitants (2007), en una superficie de 97 km².

A población mayoritaria a primers y metat d'o sieglo XX yera croata u bosnia catolica, como en toda la Herzegovina occidental. Os bosnios u bosnios musulmans, con mayor creiximiento demografico, consiguioron superar liucherament a la población croata dende 1991. Os serbios yeran minoritarios. En a Guerra d'independencia de Bosnia y Herzegovina la proporción d'as nacionalidaz etnicas cambió, y dende alabez cuasi no bi ha serbios y bi ha un mayor predominio de bosnios por a plegada de refuchiaus d'atras localidaz d'Herzegovina.

Fue fundada a zaguers d'o sieglo XV y mientres o dominio otomán estió la capital administrativa d'Herzegovina. Dende 1881 Mostar estió la seu d'o bispato de Mostar-Duvno. En 1939 Mostar fació part d'a Banovina croata, y cuan a Segunda Guerra Mundial estió una d'as ciudaz importants d'o Estau Independient de Croacia.

En a decada de 1990 Mostar estió un d'os principals escenarios d'a Guerra d'independencia de Bosnia y Herzegovina. En a primera fase d'a guerra, en a que los bosnios y croatas luitaban contra los serbios, a part este d'a ciudat cayó en poder d'os serbios y en a part ueste a población croata podió resistir, pa dimpués d'uns meses forachitar a los irregulars serbios, con o que la minoría serbia fuyió. Como lugar central d'Herzegovina teoricament baixo control d'o gubierno legal bosnio, Mostar se plenó de refuchiaus musulmans d'as zonas d'Herzegovina baixo control serbio. En a fase intermedia d'a guerra as tropas d'o gubierno bosnio, mayoritariament musulmanas, encomenzoron a atacar a los croatas en Bosnia central y Herzegovina. En Mostar os croatas controlaban a part ueste y los musulmans a part este. Os musulmans de Mostar, encara que con menos medios y con as linias de suministro bloqueyadas por os croatas, contaban con l'aduya local d'os serbios y la comunidat internacional y podioron resistir con eficacia, y dica abanzar posicions fendo retacular a los croatas. O puent viello fue destruyiu en os enfrentamientos, seguntes a mes gran part d'as fuents por os croatas, feito que as fuents croatas no admiten. Os cascos azuls espanyols estioron implicaus en o conflicto, participando en labors humanitarias.

En a ciudat de Mostar, blincar dende lo puent ye una preba de tener pitera que data dende fa mas de 400 anyos. Lo primer relato escrito que documenta hombres blincando d'o puent enta las auguas d'o Neretva proviene d'o explorador otomano d'o sieglo XVII Evliya Çelebi, qui escribió que:

Dició que los clavadistas:

^[1]

Con a reconstrucción d'o puent tornó lo costumbre d'os saltos dende lo suyo punto mas altero. Lo concurso que se celebra cada verano atraye a decenas de competidores nacionals y internacionals y cuantos milars d'espectadors.^[2]

• Puent viello de Mostar u stari most.

• Se veigan as imáchens de Commons sobre Mostar.