Pontache

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo dreito de pontache (en ortografía medieval pontage) estió un treudo que pagaban en la Edat Meya europea totas las personas que cruzasen un puent, en función de lo puesto on residiban, lo numero y los biens que levaban.

Mientres lo feudalismo, estió un instrumento de financiación de los nobles en las tierras d'a suya propiedat y que los vasallos heban de pagar. Ixos que residiban en la sinyoría, u yeran exentos u pagaban menos. Manimenos qui veniba d'atras tierras heba de pagar cantidaz mayors. Con la progresiva desaparición de lo rechimen feudal, lo pontache se redució a lo pago d'un treudo en los puents de las grans vías de comunicación entre poblacions, y no s'aplicaba pa ixos que i heba dentro las poblacions, fueras de bels casos.

Por extensión, dende los sieglos XV y XVI se deciba asinas a tota exacción que se cobraba a los ciudadans que no yeran d'una villa u ciudat y que cruzaban lo río, encara que no fuese por los puents, convertindo-se en un treudo pa plegar en os mercatos publicos.

En textos medievals en aragonés bi ha muitas referencias a pontaches. Por eixemplo en los contos d'un viache de 1366 dende Teruel dica Barcelona se leye pague al pontage cuan cruzan l'Ebro en Zaragoza enta Alfacharín.[1]

Referencias

  1. ↑ Antonio Gargallo Moya, María José Sánchez Usón: Cuentas de un viaje en el s. XIV: De Teruel a Zaragoza y Barcelona en 1366. Revista Teruel, nº 71, chinero-chunio de 1984, p 101.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.