Populus

Populus
Populus nigra
Denominacions populars
chopos / choplos, chops
Rechistro fósil
 Dende o Cretacio
Clasificación cientifica
Dominio:
 Eukaryota
Reino:
 Plantae
División:
 Magnoliophyta
Clase:
 Magnoliopsida
Orden:
 Malpighiales
Familia:
 Salicaceae
Chenero:
 Populus
Descripción
Populus
L., 1758

Os chopos[1][nota 1] (nombre cientifico Populus, L., 1758) son un chenero de plantas dicotiledonias magnoliopsidas en a familia d'as salicacias, composau por especies de port arborio u arbustivo, caducifolias, a mayoría d'ellas naturals de l'Hemisferio Norte.

Descripción

Son árbols de creiximiento rapedo, que viven en puestos con augua (como sotos y riberas), y arriban dica a altarias d'entre 15 y 50 metros, con troncos que gosan fer 2,5 m de diametro en os eixemplars mas viellos.

As fuellas creixen pendulars, oposadas, con un peciolo luengo y con as laderas lisas u, en cualques especies, lobuladas. A forma d'a fuella varía d'entre amanada a formar un cerclo como en P. lasiocarpa dica triangular (P. nigra). Anque a color d'o follamen ye verde, a sobén se torna amariella u royisca d'agüerros, chusto enantes de cayer.

A crosta ye lisa en os árbols chóvens, con frecuents lenticelos, pero gosa tornar-se aspra cuan creixen. A color ye blanca u grisa en muitas especies, escurindo-se con a edat y aspritut, pero en atras destaca por o escura que ye, en comparanza con as primeras que son a mayoría.

As flors son dioicas, rarament monoicas. Naixen como amentos pedunculaus enantes que brosten as fuellas en primavera. Cada flor individual tiene una escata protectora que s'enradiga directament en o raquis de l'amento. As flors masculinas dan muitismo polen, por o que resultan árbols muit alerchenicos, principalment por o elevau numero d'estamens que contienen; d'entre 4 y 50 por cada flor.

Especies

O chenero Populus concabe una gran cantidat d'especies, d'entre as que son mas frecuents en Aragón o lombardo, a tremolera y o chopo albar.

O chenero tradicionalment se subdivide en 6 seccions, en base acaracters morfolochicos de a flor y a fuella. Os estudios cheneticos que s'han feito han confirmau ista división, pero tamién que ha existiu cualque cosa d'hibridación d'entre as diferents seccions en o pasau.

Fuellas de chopo en agüerro.
Populus alba.
Lombardos en a val de Chistau.

Notas

  1. ↑ Con as variants choplos u chops.

Referencias

  1. ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

Vinclos externos

Biquiespecies
Biquiespecies
 Se veiga a información de Biquiespecies sobre Populus.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.