INFORMASILENGKAP.COM

RoboCop 3
Títol	RoboCop 3
Póster d'a cinta.
Ficha tecnica
Dirección	Fred Dekker
Dirección artistica	Cate Bangs
Producción	Patrick Crowley
Disenyo de producción	Hilda Stark
Guión adaptau	Frank Miller Fred Dekker
Basau en	una historia de Frank Miller basada en os personaches creyaus por Edward Neumeier y Michael Miner
Musica	Basil Poledouris
Fotografía	Gary B. Kibbe
Montache	Bert Lovitt
Escenografía	Robert J. Franco
Vestuario	Ha Nguyen
Maquillache	Kathryn Bihr Patrice Coleman Sarah Mays Emanuel Millar
Peluquería	Patrice Coleman
Casting	Steven Jacobs
Actors	Robert Burke Nancy Allen Jill Hennessy Remy Ryan Rip Torn John Castle Bruce Locke Jodi Long John Posey Mako Felton Perry Robert DoQui Bradley Whitford CCH Pounder Daniel von Bargen Stanley Anderson Stephen Root Mario Machado Eva LaRue Debbie Dix Shane Black S.D. Nemeth Jeff Garlin Lee Arenberg
Color	Color by DeLuxe Panavision
Datos y cifras
País(es)	Estaus Unius
Anyo	1993
Estreno	1 de mayo de 1993 Chapón^[1] 5 de noviembre de 1993 Estaus Unius^[1]
Chenero(s)	Cine d'acción Cine de ciencia-ficción
Durada	104 min.
Idioma(s)	Anglés Chaponés
Companyías
Productora(s)	Orion Pictures
Distribución	Orion Pictures Columbia Pictures
Presupuesto	22 millons de dólars
Recauto	47 millons de dólars
Succesión de cintas
Precedida por	RoboCop 2 (1990, Irvin Kershner)
Succedida por	RoboCop (2014, José Padilha)
Informacions en bases de datos especializadas:

RoboCop 3 ye una cinta de cine estausunidense de cine d'acción de ciencia-ficción estrenada l'anyo 1993, dirichida por Fred Dekker seguntes un guión adaptau por Frank Miller y Fred Dekker (basau en una historia de Frank Miller, basada a la vegada en os personaches creyaus por Edward Neumeier y Michael Miner), con una banda sonora orichinal de Basil Poledouris, una dirección de fotografía de Gary B. Kibbe y una producción cinematografica de Patrick Crowley ta la productora cinematografica Orion Pictures. Fan parte de l'elenco d'a cinta, entre d'atros actors, Robert Burke, Nancy Allen, Jill Hennessy, Remy Ryan, Rip Torn, John Castle, Bruce Locke, Jodi Long, John Posey, Mako, Felton Perry, Robert DoQui, Bradley Whitford, CCH Pounder, Daniel von Bargen, Stanley Anderson, Stephen Root, Mario Machado, Eva LaRue, Debbie Dix, Shane Black, S.D. Nemeth, Jeff Garlin y Lee Arenberg.

Ye la tercer cinta d'a franquicia cinematografica franquicia dimpués de RoboCop (1987, Paul Verhoeven) y RoboCop 2 (1990, Irvin Kershner) y antes de RoboCop (2014, José Padilha). y conta cómo Omni Consumer Products ha conseguiu mercar a ciudat de Detroit (Michigan) en bancarrota, pero se troba agora con problemas porque los antigos residents d'a ciudat se resisten a los plans d'expulsión ta construyir o prochecto urbanistico de luxo d'a companyía, Delta City. Ta fer fuera a los habitants d'un barrio d'a ciudat, organizan una fuerza paramilitar mandada por Paul McDaggett, que los fa fuera con violencia. Sindembargo, una nina con grans conoiximientos informaticos, Nikko Halloran, pierde a sus pais en a expulsion y y s'une a la Resistencia contra l'OCP, reprogramando bel robot armau d'a companyía ta servir a la Resistencia. A la vegada, RoboCop y la suya companyera Anne Lewis fan o posible ta protecher a los ciudadans, pero una nueit en una luita McDaggett mata a Lewis, no podendo fer cosa RoboCop por as instruccions d'o suyo programa. Tanimientres, ye rescatau por Nikko y la Resistencia. Estando grieument feriu, demana que avisen a Marie Lazarus, una incheniera de l'OCP que heba treballau con él, y ista, disconforme con as actividaz d'a companyía, el reprograma. Tanimientres, un traidor da informacions a McDaggett y iste ataca la base d'a Resistencia, matando-ie a la mayor parte d'os suyos miembros. Nikko dentra subrepticiament en a seu social de l'OCP y consigue difundir noticias d'as suyas actividaz delictivas, que provocan a cayida d'as accions d'a companyía, pero encara cal rematar a luita entre la Resistencia y la Policía, d'una man, y los paramilitars d'a companyía mandaus por McDaggett, d'atra man.

A cinta s'ambienta en un futuro distopico en Detroit (Michigan) y las suyas escenas se filmoron en Atlanta (Cheorchia).^[2]

Ye una cinta que ha recibiu bellas nominacions a bel premio cinematografico, encara que no fa parte d'os premios cinematograficos mas conoixius u destacaus.