Terminator Genisys
Terminator Genisys (títol orichinal en anglés, en aragonés Terminator Chenesi, estrenada en Aragón con o suyo títol orichinal) ye una cinta de cine d'intriga d'acción de ciencia-ficción coproducida por o cine estausunidense y lo cine canadiense estrenada l'anyo 2015, dirichida por Alan Taylor seguntes un guión orichinal de Laeta Kalogridis y Patrick Lussier (encara que basau en os personaches creyaus por James Cameron y Gale Anne Hurd), con una banda sonora orichinal de Lorne Balfe, una dirección de fotografía de Kramer Morgenthau, una producción cinematografica de David Ellison y Dana Goldberg ta la productora cinematografica Skydance Productions y que conta con un elenco d'o cual en fan parte, entre d'atros actors, Arnold Schwarzenegger, Jason Clarke, Emilia Clarke, Jai Courtney, J. K. Simmons, Dayo Okeniyi, Matt Smith, Courtney B. Vance, Michael Gladis, Sandrine Holt y Lee Byung-hun. Fa parte d'a franquicia cinematografica Terminator, iniciada con The Terminator (1984, James Cameron), situandose secuencialment dezaga de Terminator Salvation (2009, McG) y antes de Terminator: Dark Fate (2019, Tim Miller).
En l'anyo 2029, John Connor ye lo líder d'a Resistencia d'a Humanidat contra Skynet, un sistema d'intelichencia artificial que ha creyau vida propia y ha prencipiau l'exterminio d'os sers humans. Connor fa una ofensiva final victoriosa, pero en l'ultimo momento Skynet consigue ninviar un Terminator T-800/Modelo 101 enta l'anyo 1984 con l'obchectivo d'asasinar a Sarah Connor, la mai de John. Kyle Reese, lo prencipal colaborador de Connoir, s'ufre como voluntario ta marchar enta 1984 tamién y protecher a Sarah. Mientres que Kyle flota en o campo magnetico d'o dispositivo, veye a John en luitando contra un atro soldau d'a Resistencia, creyando-se asinas una paradoxa temporal que fa que tienga acordanzas d'a suya infancia en una vida paralela. A la vegada, cuan o T-800 atacant plega enta Los Angeles ta asasinar a Sarah, se veye atacau por un atro T-800 clamau "Papi" que ha estau modificau por bel un y que iste bel un desconoixiu ninvió enta 1973 ta protecher a Sarah cuan ista teneba nomás que 9 anyadas y heba quedau popiella en estar asasinaus sus pais por un T-1000 ninviau por Skynet. Cuan Kyle tamién plega enta Los Angeles, se veye atacau por o T-800 enemigo, salvando-se nomás que cuan i plegan Sarah y "Papi". Istos han construyiu un equipo de desplazamiento temporal pareixiu a lo que fa servir Skynet y Sarah decide marchar enta 1997 ta aturar a Skynet, anque Kyle creye que s'ha modificau a secuencia temporal y que cal marchar enta 2017 ta aturar a Skynet, seguntes as suyas alcordanzas paralelas de nino. Tanimientres, nomás pueden viachar que Kyle y Sarah, en estar en mal estau "Papi" dimpués d'a suya luita con o T-800, y lis diz que los asperará en o futuro. Cuan plegan enta 2017, Kyle y Sarah descubren que Skynet no existe, pero que bi ha un sistema operativo que s'ha de publicar bien luego y que deixará obsoletos a toz os atros sistemas operativos, Genisys. Son detenius por a Policía en San Francisco y de rapiconte apareixe John Connor como un hombre d'ixa epoca que los libera, pero tamién i plega "Papi", qui dispara contra John, explicando que en realidat ya no ye John, so que un Terminator abanzau modificau a livel molecular porque lo soldau que Kyle heba visto que l'atacaba yera en realidat o mesmo Skynet instalau en un Terminator T-5000, que li heba inchectau nanomaquinas ta modificar-lo y convertir-lo en un ciborg, y que John dimpués viachó en o tiempo ta aduyar a una empresa informatica a construyir y desenrrollar Genysis. A la fin, tot se resolverá en una luita final entre Sarak, Kyle y "Papi", d'una man, y John Connor, d'atra man, luitando contra sus pais.
A cinta s'ambienta en 1984, 2017 y 2029 en Los Angeles y San Francisco (California) y las suyas escenas se filmoron en Nueva Orleans (Loisiana), Chicago (Illinois) y Los Angeles, Nicasio, Redwood City, San Francisco y atros puestos de California.[2]
Terminator Genisys ye una cinta que ha recibiu bellas nominacions a bels premios, encara que garra de ditos premios no fa parte d'o conchunto de premios cinematograficos mas conoixius u destacaus.
Elenco[3]
| Actor | Papel | Notas |
|---|---|---|
| ' |
Se veiga tamién
Referencias
- ↑ 1,0 1,1 1,2 (es) Estreno de Terminator Genisys, en Internet Movie Database.
- ↑ (en) Localizacions de Terminator Genisys, en Internet Movie Database.
- ↑ (en) Terminator Genisys en Internet Movie Database.
Vinclos externos
- (en) Terminator Genisys en Internet Movie Database.
- (en) Terminator Genisys en l'American Film Institute Catalog de l'American Film Institute.
- (en) Terminator Genisys en Metacritic.
- (en) Terminator Genisys en Box Office Mojo.
- (en) Terminator Genisys en Rotten Tomatoes.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.