Trasca

O tozuelo d'un mallo. En a primer imáchen se veye a trasca.

De forma cheneral, a trasca[1][nota 1] (puestar que d'o latín <TRAGŬLA)[2] ye o forato u orificio por a on se fa encaixar un palo en unatra parte d'un utensilio u ferramienta, de regular de forma perpendicular, lo mas normal pa encaixar o mango en a capeza u tozuelo d'a ferramienta.

Si entre o mango y a trasca l'encaixe no ye exacto y baila, se puede fer preciso achustar-lo con un troz de trapo, tira de cuero u cosa semellant. Alavez o trapo u cuero que s'emplega pa esto se diz «trasquil». En aragonés existe a mas o verbo «entrascar» que significa encasquetar, meter una cosa bien preta, deixar-la trabada.

En os chubos de collera mas elaboraus, i ha una zarpada de foratos en a parte d'alto pa entrascar una estaqueta u tarugo sobre a que se mete o timón, y asinas regular a fuerza que ha de fer cada animal de a chunta. Estes foratos se dicen «trasquetas».[3] A correa con que se liga o timón contra o chubo pa asegurar-lo se diz «trascal».[2][3][4]

Notas

  1. ↑ Con a variant tasca

Referencias

  1. ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
  2. ↑ 2,0 2,1 (es) PARDO ASSO, José, Nuevo diccionario etimológico aragonés (voces, frases y modismos usados en el habla de Aragón) (Facsímil); Institución «Fernando el Católico» + Gara d'Edizions. Zaragoza, 2002. ISBN 84-8094-101-4
  3. ↑ 3,0 3,1 (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. ISBN 978-84-8094-061-0
  4. ↑ (es) BARCOS, Miguel Ánchel, El Aragonés Ansotano: estudio lingüístico de Ansó y Fago; Institución «Fernando el Católico» + Gara d'Edizions. Zaragoza, 2007. ISBN 978-84-8094-058-0

Se veiga tamién

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.