Wamba

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Wamba
Rei d'o Reino Visigodo de Toledo

Estatua de Wamba en a localidat de Madrit (Espanya), obra d'Alejandro Cranicero.
672 - 680
Coronación 20 d'octubre de 672 Toledo
Predecesor Recesvinto
Succesor Ervichio
Muerte anyo 688
Monesterio de Sant Vicent de Pampliega (Pampliega, hue en Burgos)
Enterreco Monesterio de Sant Vicent de Pampliega (Pampliega, hue en Burgos)

Wamba (pronunciato en aragonés /Bamba/) estió rei d'o Reino visigodo de Toledo dende o 20 d'octubre de l'anyo 672 dica l'anyo 680 cuan fue depuesto; cal notar sindembargo que a nobleza visigoda ya l'heba nombrato rei en Gertici (l'actual Wamba, dita asinas en a suya honor) o 21 de setiembre de 672, cuan morió o suyo predecesor Recesvinto. Estió o zaguer gran rei visigodo, y chusto dimpués d'él encomenzó a decadencia d'este pueblo ocupador d'a Peninsula Iberica.

Wamba convocó o XI Concilio de Toledo de l'anyo 675, en o que dictoron mesuras pa correchir os abusos y vicios eclesiasticos.

En a Baixa Edat Meya a delimitación de diocesis feita en o reinau de Wamba encara yera un referent, como se puet veyer en a Bula d'Hadrián IV.

En l'anyo 673 esclató una revuelta contra Wamba en a partita este de Septimania dirichita por o conte de Nimes Ilderico y o bispe de Maguelonne Gumildo. A situación se complicó cuan o cheneral Pavlo que ninvió contra os rebels de Septimania tamién se li rebeló y prenió o control de Narbona y d'a partita oriental d'a Tarraconense, con Uesca incluyita. Esto obligó a Wamba a pactar con os bascons pa lanzar una ofensiva contra os nobles visigodos sublevatos. As fuents indican que Wamba pasó Calagorra, Uesca, Zaragoza, Leida, Tarragona, Barcelona, Chirona, y trescurzó os Pireneus pa rematar con a revuelta en zaguerías de l'anyo 673.[1] Este episodio representa una d'as zagueras noticias que ofreixen as fuents escritas de tiempos d'os visigodos a territorios actualment aragoneses.

Mención en fuents aragonesas y navarras

Como zaguer d'os grans reis visigodos, Wamba no podeba faltar en obras historiograficas, encara que a monarquía y a clase dirichent aragonesa no se consideraba continadora d'os visigodos como se desveniba en Asturias, Leyón u Castiella. Wamba ye mencionato como Bamba. Por razons etimolochicas l'Academia de l'Aragonés establió que os antroponimos d'orichen chermanico s'escribisen con W.

En a segunda versión d'o "Liber Regum" ye nombrato en cuatre parrafos y en uno d'ellos senyalan como delimitó as diocesis:

E pues faularemos de los godos como uinieron en Espanna e como la conquirieron, e del rei Bamba e del rey Rodrigo e del comte don Julian, e como se perdie la tierra, e pues como se recobro. E pues faularemos de los reies e de los sennores qui foron en Castiella tro al Emperador e tro al rei don Alfonso. E pues faularemos de los reies de Nauarra e del rei Sancho Auarca tro al rei don Sancho. E pues diremos de los reies de Aragon, del rei don Remiro, que matoron en Grados, tro al rei don Pedro, el sobrino del Emperador.
Quando foron los godos entrados en España leuantaron rei de lor lignage, et est rei ouo nomne el rei Cindus, e fo xiano, e quando murie el rei Cindus non lexo fillo nenguno e rremaso la tierra sines rei, e non s acordoron las hientes de la tierra por auer rei e guerrioron se todos unos con otros grandes tiempos, e pues accordoronse e fizieron rei por elección al rei Bamba, e fo muit buen rei. Era DCC.X.
Est rei Bamba establie los arcebispados e los bispados de España dond ad ond fossen. Regno el rei Bamba XII annos, e pues empozonolo Eurigius, el nieto del rei Cindus, qui era godo, e murie assi e soterroronlo en Bragana.
[Fol. 32 V.] Quando fo muerto el rei Bamba regno Egica, so fillo de Eurigius, daquest qui auia empozonado al rei Bamba, et no regno mas de dos annos.

Tamién ye nombrato en a "Cronica de Sant Chuan d'a Penya":

et depues de la muert de aquesti regnó Sinda Zundo, et depues de aquesti Recesundo; et depues de la muert de aquesti regnó el rey Bamba, el qual fué muy cathólico rey et virtuoso et batallero mui marauilloso, é exampló é creció muyto el su Regno. Et depues de aquesti, regnó el rey Eruigio, et depues de aquesti regnó Flauio Egica; et depues regnó Euzica, el qual fué rey muy cruel; et aquesti rey mandó que todos los clérigos et vispos de su tierra prendiessen et tuuiesen drudas, et aquesti fiso enderrocar todas las fuerças de las ciudades et lugares de su Regno por tal que las sus gentes no pudiessen rebellar contra éll.

Referencias

  1. ↑ Maria Victoria Escribano Los Godos en Aragón CAI 100, 2000

Vinclos externos


Predecesor:
Recesvinto 		Rei d'o Reino Visigodo de Toledo
672-680 		Succesor:
Ervichio


Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.