1608 (MDCVIII) foi un añu bisiestu entamáu en martes del calendariu gregorianu, y un añu bisiestu entamáu en vienres del calendariu xulianu. Al entamu de 1608 el calendariu gregorianu diba once díes per delantre del calendariu xulianu, que foi'l d'usu oficial en dellos países hasta 1923.

• 17 de xineru – L'emperador Susenyos I d'Etiopía derrota a un exércitu oromo na batalla d'Ebenat, na que morrieron 12.000 oromo y namái 400 soldaos amhara.
• 23 de xineru – Róblase'l tratáu de L'Haya, una alianza defensiva ente Francia y les Provincies Xuníes de los Países Baxos.
• 16 de marzu – Gwanghaegun conviértese nel nuevu rei de Corea tres de la muerte de so pa, el rei Seonjo, que reinara demientres más de 40 años.
• 18 de marzu – Susenyos I ye coronáu formalmente emperador d'Etiopía na ciudá d'Aksum.
• 14 de mayu – Fúndase, n'Auhausen, la Xunión Protestante.
• 15 de xunu – Demientres un viaxe pol océanu Glacial Árticu, l'esplorador Henry Hudson y la tripulación del barcu Hopewell avisten daqué qu'aseguren que ye una serena, nalando n'agües cercanes a Noruega^[1].
• 26 de xunu – Matías I, que yá yera rei de Bohemia, conviértese tamién en rei d'Hungría y rei de Croacia tres de la renuncia del so hermanu mayor, Rodolfu II, de dambos cargos. Rodolfu ha siguir siendo, sicasí, l'emperador del Sacru Imperiu Romanu Xermánicu.

• 3 de xunetu – L'esplorador francés Samuel de Champlain funda, nel actual Canadá, l'asentamientu de Québec^[2].

• 21 de setiembre – Empecipia les sos actividaes la Universidá d'Uviéu.
• 2 d'ochobre – El fabricante de lentes neerlandés Hans Lippershey presenta'l primer telescopiu del mundu nel parllamentu de les Provincies Xuníes.
• 30 de payares – Na colonia portuguesa de Macáu, un puertu na China continental arrendáu pol imperiu chinu a los portugueses, produzse un enfrentamientu ente 100 samurái xaponeses y la guarnición portuguesa de la colonia, dirixida pol gobernador André Pessoa. De resultes, muerren 50 samuráis, y el restu son apresaos hasta que firmen un documento reconociendo la so culpabilidá nel incidente. Tokugawa Ieyasu, el principal shogun de Xapón, pon fin a la política de mercantes armaos (los shuinsen), que permitía a estos barcos navegar pel sureste asiáticu y, poro, visitar Macáu. L'incidente acabaría desembocando, en 1610, nuna batalla naval muncho más importante, el nomáu incidente del Nossa Senhora de Graça.
• 20 d'avientu – Carlos I de Liechtenstein funda, dientro del Sacru Imperiu Romanu Xermánicu, el Principáu de Liechtenstein, una nación independiente de magar asitiada ente les actuales Austria y Suiza.

• 13 de xunetu: Fernandu III d'Habsburgu, emperador romanu xermánicu ente 1637 y 1657 (m. 1657).
• 15 d'ochobre: Evanxelista Torricelli, científicu italianu (m. 1647).
• 9 d'avientu: John Milton, poeta inglés (m. 1674).

• 14 de mayu: Carlos III de Lorena, noble francés (n. 1543).

William Shakespeare: Timón d'Atenes (traxedia).

• Wikimedia Commons acueye conteníu multimedia sobre 1608.