Añu 2089
Una cigarra periódica del xéneru Magicicada. En 2089 ta prevista la emerxencia simultánea de les niaraes X y XIX, un fenómenu que nun se produz dende 1868.
Años:	2086 2087 2088 - 2089 - 2090 2091 2092
Décades:	Años 2050 Años 2060 Años 2070 - Años 2080 - Años 2090 Años 2100 Años 2110
sieglos:	sieglu XX - sieglu XXI - sieglu XXII

2089 (MMLXXXIX) va ser un añu normal entamáu en sábadu nel calendariu gregorianu.

• Ta prevista nos Estaos Xuníos la emerxencia simultánea de les niaraes X y XIX de cigarres periódiques del xéneru Magicicada. La niarada X, con un ciclu de 17 años, y la niarada XIX, con un ciclu de 13 años, coincidieron per última vez en 1868. Al ser 13 y 17 númberos primos, los sos ciclos vuelven coincidir cada 221 años, polo que la siguiente emerxencia simultánea ta prevista pa 2310.^[1]
  • La niarada X, conocida como Great Eastern Brood, inclúi poblaciones de cigarres periódiques distribuyíes principalmente pel este y mediu oeste de los Estaos Xuníos.^[2]
  • La niarada XIX, conocida como Great Southern Brood, ye una de les niaraes de cigarres periódiques de mayor distribución xeográfica y presenta poblaciones dende Maryland hasta Xeorxa y dende Iowa hasta Oklahoma.^[3]

• 26 de marzu: va producise un eclís llunar penumbral.^[4]
• 10 d'abril: va producise un eclís solar anular, con una magnitú máxima de 0,9919 y una duración máxima de l'anularidá de 53 segundos. La franxa d'anularidá va atravesar zones d'Australia y del océanu Pacíficu.^[5]
• 19 de setiembre: va producise un segundu eclís llunar penumbral.^[4]
• 4 d'ochobre: va producise un eclís solar total, con una magnitú máxima de 1,033 y una duración máxima de la totalidá de 3 minutos y 14 segundos. La franxa de totalidá va atravesar zones de China y del océanu Pacíficu.^[5]

• Según la variante media de les World Population Prospects 2024 de la Organización de les Naciones Xuníes, la población mundial ta proyectada n'alredor de 10.280 millones de persones en 2089. La proyeición sitúa esti añu poco dempués del máximu de población mundial, previstu pa mediaos de la década de 2080.^[6]

• Les proyeiciones del Panel Intergubernamental sobre'l Cambéu Climáticu (IPCC) pal periodu 2081-2100 sitúen el calentamientu global mediu ente alredor de 1,4 °C y 4,4 °C sobre'l periodu 1850-1900, dependiendo del escenariu d'emisiones.^[7]

• 12 de marzu: va cumplise'l centenariu de la creación de la World Wide Web por Tim Berners-Lee, que presentó en marzu de 1989 nel CERN la propuesta que daría orixe a la web.^[8]