273 (CCLXXIII) foi un añu común entamáu en miércoles del calendariu xulianu. Nesa dómina, nel Imperiu romanu, foi conocíu como añu del consuláu de Tacitus y Placidianus, y tamién como añu 1026 Ab urbe condita. La so denomación como añu 273 remóntase al entamu de la Edá Media, cuando quedó establecíu l'Anno Domini como forma avezada de dar nome a los años.

• L'emperador romanu Aurelianu destruye Palmira y recupera asina la parte oriental del Imperiu romanu, que funcionara como reinu independiente (l'imperiu de Palmira) dende 270.^[1]
• Aurelianu acaba col Imperiu galu, que se formara en 260, tres de deponer a los reis Tetricus I y Tetricus II.
• Aurelianu adopta como permanentes les reformes de Caracalla que reorganizaran la división alministrativa d'Italia.
• L'emperador aumenta, a cuasi 1,5 libras, la ración diaria de pan que se-y da de baldre a la población de la ciudá de Roma, y añade al llistáu de coses que se-yos da la mantega de gochu.
• Marcus Claudius Tacitus, futuru emperador romanu, ye nomáu cónsul en Roma.
• El filósofu griegu Cassius Longinus, conseyeru de la reina Zenobia, emperatriz de Palmira, ye executáu polos romanos por conspirar escontra l'emperador.

• Ormuz I, rei de Persia, muerre tres d'un reináu cortu nel que desarrolló una política de teolerancia hacia el maniqueísmu, una relixón ascética y antimaterialista. Xube al tronu el so hermanu Bahram I, que yera gobernador de la provincia d'Atropatene.

• Ormuz I, rei del Imperiu sasánida.
• Cassius Longinus, filósofu griegu.
• Dexipuss, historiador griegu.

• Wikimedia Commons acueye conteníu multimedia sobre 273.