Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|ADSL}} ~~~~

ADSL

Tipu	teunoloxía
Etiqueta de Stack Exchange	Stack Exchange

ADSL son les sigles d'Asymmetric Digital Subscriber Line ("Llinia de Soscripción Dixital Asimétrica"). ADSL ye un tipu de llinia DSL. Consiste nuna tresmisión de datos dixitales (la tresmisión ye analóxica) sofitada nel par simétricu de cobre que lleva la llinia telefónica convencional o llinia d'abonáu, siempres y cuando'l llargor de llinia nun supere los 5,5 km midíos dende la Central Telefónica, o nun haya otros servicios pol mesmu cable que puedan interferir.

Ye una teunoloxía d'accesu a Internet de banda ancha, lo qu'implica una velocidá superior a una conexón tradicional por módem na tresferencia de datos. Esto consíguese pente medies d'una modulación de les señales de datos nuna banda de frecuencies más alta que la utilizada nes conversaciones telefóniques convencionales (300-3800 Hz), función que realiza'l Router ADSL. Pa evitar aburuyes nes señales tresmitíes, ye necesaria la instalación d'un filtru (llamáu splitter o discriminador) que s'encarga de dixebrar la señal telefónica convencional de les señales modulaes de la conexón pente medies d'ADSL.

Esta teunoloxía denomínase asimétrica por cuenta de que la capacidá de descarga (dende la Rede hasta l'usuariu) y de xuba de datos (en sentíu inversu) nun coinciden. De normal, la capacidá de baxada (descarga) ye mayor que la de xuba.

Nuna llinia ADSL establecense trés canales de comunicación, que son el d'unviu de datos, el de receición de datos y el de serviciu telefónicu normal.

Anguaño, en diversos países les empreses de telefonía tán enllantando versiones ameyoraes d'esta teunoloxía como ADSL2 y ADSL2+ con capacidá de suministru de televisión y videu d'alta calidá pol par telefónicu, lo que supón una dura competencia ente los operadores telefónicos y los de cable, y l'apaición d'ufiertes integraes de voz, datos y televisión, a partir d'una mesma llinia y dientro d'una sola empresa, qu'ufierte estos trés servicios de comunicación. L'usu d'un mayor anchu de banda pa estos servicios llenda entá más la distancia a la que pueden funcionar, pol par de filos.

• Terminoloxía d'Internet y d'interfaces pa programes informáticos
• Router ADSL
• Cablemódem
• Módem USB pa Internet móvil
• Tarifa plana
• ATU-R. ADSL Terminal Unit Remote. Terminal del llau del usuariu.
• ATU-C. ADSL Terminal Unit Central. Terminal del llau del operador de telefonía.