Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Acimut}} ~~~~

Acimut
angle of rotation (en)

Acimut ó Azimut, del árabe "as-sumut" (direición).

1.- N'astronomía Acimut, ye l'ángulu midíu sobro l'horizonte que formen el punto cardinal sur y la proyeución vertical del astru sobro l'horizonte. Mídise en sen horariu dende'l sur.

Por proyeución vertical, atalántase el tayu col horizonte que tien el círculu máximu que pasa pol cénit y l'astru.

Ye una de les dos coordenaes horizontales, siendo la otra l'altura. L'altura y l'acimut son coordenaes que dependen de la posición del qu'adica. Ye dicir, que nel mesmu intre, un astru ye adicáu baxo diferentes coordenaes horizontales, por diferentes observadores allugaos en puntos diferentes de la Tierra. Esto quier dicir que les coordenaes son llocales. Ye llóxico atalantar que, pa un puntu A, les coordenaes horizontales del oxetu (2ª semeya), son distintes de les coordenaes horizontales referíes al mesmu oxetu, pa un puntu allugáu por exemplu, nel Ecuador.

2.- En náutica, l'acimut mídise dende'l puntu cardinal norte, en sen horariu de 0° a 360° y tien el nome de Acimut verdaderu (Azb). L'acimut podrá ser magnéticu, (tamién-y dan el nome de Rumbu), si se fai la midida respeutu al norte magnéticu (Azm) , si se fai dende'l norte compás tendremos l'acimut compás (Azc),y Real, si lu midimos dende'l norte xeográficu.

3.- En cartografía, l'acimut mídise tamién dende'l puntu cardinal norte.

• Altura (astronomía)
• Cénit
• Nadir
• Brúxula