Colmar en idioma francés y oficialmente, Kolmar n'idioma alemán, ye una ciudá y comuña nel departamentu d'Alsacia de l'Altu Rin, Francia.

Ye la capital del departamentu, y sé tamién del tribunal más principal d'Alsacia, la Corte d'Apelación. La so población en 2012 (INSEE) yera de 67.257 habitantes, con 120.367 nel so área metropolitana y 148.444 nel so distritu.

La ciudá ye'l llugar de nacencia del pintor y grabador Martin Schongauer, y tamién del escultor Frédéric Bartholdi, que diseñó la Estatua la Llibertá. Amás de por eso, la ciudá ye renomada pol so cascu históricu, perbién conserváu, y pola so gran bayura n'edificios singulares y museos, ente los que rescampla l'Unterlinden Museum. Y tamién porque considérase a sí mesma como la capital de los vinos d'Alsacia.

Historia

Colmar
flag of Colmar (en)
Alministración
País	Francia
Organización territorial	Francia metropolitana
Rexón	Gran Este
Departamentu	Altu Rin
Tipu d'entidá	comuña de Francia
Nome oficial	Colmar (fr)
Nome llocal	Colmar (fr)
Nomatu	la Venise alsacienne (fr); la petite Venise (fr)
Códigu postal	68000
Xeografía
Coordenaes	48°04′52″N 7°21′18″E / 48.0811°N 7.355°E
	Colmar Colmar (Francia)
Superficie	66.57 km²
Altitú	198 m y 185 m
Llenda con	Illhaeusern, Grussenheim, Jebsheim, Sundhoffen, Horbourg-Wihr, Sainte-Croix-en-Plaine, Wettolsheim, Wintzenheim, Ingersheim, Ammerschwihr, Bennwihr, Houssen, Ostheim, Guémar, Porte-du-Ried y Kaysersberg-Vignoble
Demografía
Población	66 970 hab. (1r xineru 2023); - 33 281 homes (2017); - 35 824 muyeres (2017)
Porcentaxe	8.69% de Altu Rin
Densidá	1006,01 hab/km²
Más información
Fundación	1226
Prefixu telefónicu	389
Llocalidaes hermaniaes	Abingdon-on-Thames, Hyde, Eisenstadt, Győr (en) , Lucca, Princeton, Schongau, Sint-Niklaas, Toliatti, Memmingen y Limbe
	colmar.fr

Colmar foi fundada nel sieglu IX, una y bones foi equí onde l'emperador carolinxu Carlos III el Gordu aconceyó una asamblea nel 884. Sieglos dempués, en 1226, la ciudá algamó la condición de ciudá imperial llibre dientru del Sacru Imperiu Romanu. En 1575 la ciudá adoptó la Reforma protestante, y demientres la guerra los trenta años foi conquistada pol exércitu suecu, que la caltuvo nel so poder demientres dos años (1632-34). La ciudá pasó per primer vegada a manes francesas en 1673, cuando la conquistara Lluis XIV.

En 1679, poles cláusules de los Trataos de Nijmegen, la ciudá pasó llegalmente a manes de los franceses. Sicasí, entró a formar parte del renováu Imperiu alemán en 1871, dempués de la guerra franco-prusiana. Al acabar la Primer Guerra Mundial volvió a ser francesa, magar que los nazis volvieron a convertila nuna ciudá alemana. Dende 1945 pertenez otra vuelta al Estáu francés, y ta gobernada dende 1947 por partíos de calter conservador.