Common Locale Data Repository

El Proyeutu Common Locale Data Repository, de vezu acurtiao como CLDR, ye un proyeutu del Unicode Consortium que tien l'envís d'ufrir datos de configuración llocal en formatu XML pa usar n'aplicaciones informátiques. El CLDR contién información específica pa la configuración llocal qu'un sistema operativu pasará a les sos aplicaciones. Los datos del CLDR tán escritos en LDML (Locale Data Markup Language), un subconxuntu del XML[1]. Esta información úsenla anguaño International Components for Unicode (ICU), OS X d'Apple, LibreOffice, MediaWiki, Linux y más sistemes operativos y aplicaciones.

Ente los distintos tipos de datos qu'ufre'l CLDR tán los siguientes:


  • Traducciones de nomes de llingües.
  • Traducciones de nomes de territorios y países.
  • Traducciones de nomes de divises, incluyendo cambios de singular/plural.
  • Traducciones del día de la selmana, mes, era o periodu del día, nes formes completes y acurtiaes.
  • Traducciones d'estayes horaries y ciudaes d'exemplu (o asemeyaes) pa estayes horaries.
  • Traducciones pa campos d'axenda.
  • Patrones pa dar formatu/analizar dates o partes del día.
  • Xuegos d'exemplu de los caráuteres que s'usen pa escribir una llingua.
  • Patrones pa dar formatu/analizar númberos.
  • Regles pal ordenamientu adautáu a la llingua.
  • Regles pa dar formatu a los númberos nos sistemes de numberación tradicionales (númberos romanos, armenios…)
  • Regles pa pronunciar los númberos como pallabres.
  • Regles pa la treslliteración ente alfabetos. Bona parte d'elles tán basaes na romanización BGN/PCGN.

Entemezse daqué col ISO 15897 (POSIX locales). La información de POSIX locale puede derivase de la del CLDR usando delles ferramientes de conversión del CLDR.

El CLDR caltiénlu'l comité téunicu CLDR qu'incluye emplegaos d'IBM, Apple, Google, Microsoft, y delles organizaciones gubernamentales. El comité presídelu anguaño John Emmons (IBM), con Mark Davis (Google) como vice-presidente.[2]

Referencies

  1. ↑ Updating DTDs, CLDR makes special use of XML because of the way it is structured. In particular, the XML is designed so that you can read in a CLDR XML file and interpret it as an unordered list of <path,value> pairs, called a CLDRFile internally. These path/value pairs can be added to or deleted, and then the CLDRFile can be written back out to disk, resulting in a valid XML file. That is a very powerful mechanism, and also allows for the CLDR inheritance model.
  2. ↑ http://cldr.unicode.org/index/process#TOC-Officers

Enllaces esternos

Ferramientes CLDR
  • Windows CLDR Tool Ferramienta Open source pa importar configuraciones llocales CLDR en Windows Vista.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.