Corbata
La corbata[1] ye una tira, fecha polo xeneral de seda o d'otru material que s'ata alrodiu'l cuellu, dexando cayer dambos estremos con fines estéticos.
Orixe
El so nome vien del italianu, corvatta o crovatta, deriváu de "croata". L'orixe data del añu 1660, cuando los xinetes del exércitu croata usaben pañuelos de colores ataos al pescuezu.
Hai a lo menos dos clases de corbates, la llarga que ye'l tipu que más s'emplega anguaño, y la corta o "de moñu". Anguaño ye un complementu de la camisa y el traxe, y símbolu d'elegancia y formalidá nel vistir masculín nos países occidentales.
Nudos de corbata
L'atar la corbata pue da-y un aspeutu estremáu al portador por mor de les estremaes clases de nudos. Los más conocíos son el nudu inglés y el francés, que s'estremen ente ellos namái que pal francés hai que-y dar una vuelta más a la tela, xenerándose un nudu más voluminosu y consideráu (polo xeneral) más elegante.
L'emplegu correutu de la corbata, requier que nunca nun pase de l'altor del cintu, que'l nudu quede bien axustáu y pegáu al cuellu de la camisa y que la parte más delgada quede tres de la parte ancha, ensin sobrepasar el so llargor.
Hai delles maneres d'atala:
- El nudu simple o four in hand o francés
- El nudu duple simple o inglés
- El nudu Windsor
- El nudu mediu Windsor
- El nudu pequeñu
- El nudu cruciáu
Diseños
La corbata, el pañuelu(ascot) y la paxarina son les prendes decoratives del vestuariu masculín de les sociedaes occidentales, y valen pa da-y un toque personal al vestuariu.
Hailes d'estremaes clases, variando'l diseñu, color, material, anchor, llargor, tipos de nudu a usar y el preciu. En diseñu destaquen les corbates a rayes, llunares o llises.
Referencies
- ↑ Esti términu apaez nel Diccionariu de l'Academia de la Llingua Asturiana. Ver: «corbata».
Enllaces esternos
Wikimedia Commons tien conteníu multimedia tocante a Corbata.- Videu que mostra com facer un nudo de corbata
- Tutoriales pa facer los principales nudos de corbata (1) (n'español) Archiváu 2019-02-19 en Wayback Machine
- Tutoriales pa facer los principales nudos de corbata (2) (n'español) Archiváu 2017-06-17 en Wayback Machine
- El llinguax de les corbates (n'español)
- Cómo vistir la corbata (n'español)
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.