Earth-One
DC Multiverse world (en) y shared planet (en)
Web oficial

Earth-One^[1], Tierra-Ún n'asturianu, ye orixinalmente l'universu ficticiu onde asoceden les más de les hestorietes de DC Comics asoleyaes ente mediaos de los años 1950 y l'añu 1985, anque la primer apaición ye en retrospeutiva More Fun Comics #101^[2] (con fecha de portada de xineru de 1945). Esti mundu estrémase del real sobre manera pola esistencia de seres sobrehumanos, conocíos como superhéroes y supervillanos, que se vuelven bastante comunes a partir de los años cincuenta del sieglu XX y continúen siéndolu nel s. XXX.

Al aviesu de lo que puen indicar los nomes, munchos de los personaxes de Tierra-Ún son versiones anovaes de los creaos anteriormente y que pueblen Tierra-Dos. Dellos, como Superman, Batman y Wonder Woman son cuasi idénticos a les versiones anteriores, mientres qu'otros como The Flash, Green Lantern o Hawkman tiene identidaes, habilidaes y oríxenes distintos. En xeneral son más nomaes les versiones d'esti universu que les orixinales.

Nel cómic Doomsday Clock #12^[3] esti universu ye reasitiáu en multiversu y renomáu Tierra-1985.

En 2010 escomienza a gastase'l nome Earth-1 o Earth 1, escrito con númberu en cuenta de con lletra, pa referise al universu onde asitien una serie de noveles gráfiques que recuenten l'orixe de los personaxes más importantes de DC, anque ambientándoles en sieglu XXI y cambiando delles coses. En títulu d'estes, por embargu, escriben Earth One como sotítulu. Les espublizaes hasta agora son:

• Superman: Earth One (trés volúmenes), por J. Michael Straczynski, Shane Davis y Ardian Syaf.
• Batman: Earth One (trés volúmenes), por Geoff Johns y Gary Frank.
• Teen titans: Earth One (dos volúmenes), por Jeff Lemire, Terry y Rachel Dodson y Andy McDonald.
• Wonder Woman: Earth One (trés volúmenes), por Grant Morrison y Yanick Paquette.
• Green Lantern: Earth One (dos volúmenes), por Gabriel Hardman y Corinna Bechko.

• Earth-Two