Friol
Alministración
País	España
Autonomía	Galicia
Provincia	provincia de Lugo
Tipu d'entidá	conceyu de Galicia[1]
Mayor of Friol (en)	Antonio Evaristo Muíña Pena (en)
Nome oficial	Friol (gl)[2]
Códigu postal	27220
Xeografía
Coordenaes	43°01′44″N 7°47′27″W / 43.0289°N 7.7908°O / 43.0289; -7.7908
Friol Friol (España)
Superficie	295 km²
Altitú	481 m
Llenda con	Lugo, Guntín, Palas de Rei, Toques, Sobrado, Guitiriz, Begonte y Outeiro de Rei
Demografía
Población	3608 hab. (2025) - 1888 homes (2019) - 1856 muyeres (2019)
Porcentaxe	1.11% de provincia de Lugo
Densidá	12,23 hab/km²
concellodefriol.es

Friol ye un conceyu español perteneciente a la Contorna y Partíu Xudicial de Lugo. Llenda al norte con Guitiriz y Begonte; al sur con Palas de Rei y Guntín; al este con Lugo y Outeiro de Rei y al oeste cola provincia de La Coruña. Tien una superficie de 295 km².

• 4.071 habitantes (INE 2012).
• Densidá: 13,80 hab./km².

L'escudu heráldicu que representa al conceyu foi aprobáu en 1977 col siguiente blasón:

«Escudu cortáu. Primero, d'azur, la torre de plata, mazonada de sable; segundu, de plata, home mozu, vistíu, apuñalando a una sierpe de sinople. Al timbre, corona real.»

Boletín Oficial del Estáu nᵘ127 de 28 de mayu de 1977^[3]

En Friol queden entá muertes megalíticos y castreños, los más antiguos que caltién esti conceyu. Esta tierra foi tamién ocupada por romanos y visigodos.

Na Edá Media les families Ulloa, Parga y Seixas partiéronse'l poder nesti términu. Bona amuesa d'ello son les edificaciones, torres y castiellos, que pueblen el territoriu: La Torre de Friol, la Fortaleza de San Paio de Narla, torre de Miraz, Palaciu de Remesil y de Trasmonte.

La edificación más conocida de Friol ye la fortaleza de San Paio de Narla, d'orixe desconocíu y reconstruyida nel sieglu XVI por don Vascu de Seixas, señor de la Casa Solar y Castro de Seixas y del Palaciu de San Paio de Narla; fíu de Don Vascu de Seixas "el vieyu" y de María Álvarez de Sotomayor y nietu de Don Vascu de Seixas, quien yá nel sieglu XIV yera señor de San Paio, Osera, Chantada, Ferreira, Samos, Sobrado y Eiré. Participó na llucha dinástica de los Trastámara en favor de Don Enrique. Naquella dómina quedó partíu l'espaciu señorial lucense ente apenes cinco families: los Vázquez de Seixas, Ulloa, Lemos, Saavedra y Pardo.

En Friol esisten munches lleendes populares rellacionaes cola fortaleza de San Paio de Narla y los sos propietarios los Vázquez de Seixas. A este mesmu llinaxe perteneció tamién el Palaciu do Monte, asitiáu nesta mesma llocalidá.

Dientro de la provincia de Lugo, la contorna de Friol puede esfrutase de los sos platos típicos como'l pulpu á feira, el caldu gallego, la empanada, les truches,... N'antroxu ye típicu'l cocíu con chorizu, pezuña, morru, oreya, rabu y otros derivaos del gochu. Ente la repostería destaquen les filloes (feches con sangre de gochu), los freixós y les orellas(toes comíes típiques n'antroxu, y toes elles feches a manera de postre).

Nel ámbitu gastronómicu destaca la " Feria do queixo y pan de Ousá" que se celebra añalmente y na que pueden tastiase y adquirir quesos artesanales realizaos por llabradores al estilu más tradicional.

L'equipu deportivu más importante de Friol ye'l Club Peluquería Mista, que milita na Primer Nacional de Fútbol Femenín , la segunda división a nivel nacional. Esti club conto nel pasáu con destacaos equipos, a nivel autonómicu, de fútbol sala femenín (Concello de Friol FS) y na actualidá l'equipu de fútbol sala masculín (Servicio Iglesias Friol) compite na Lliga Provincial.

• Wikimedia Commons tien conteníu multimedia tocante a Friol.
• Páxina oficial del Conceyu de Friol