Goleta

Goleta
tipu de barcu
veleru
Cambiar los datos en Wikidata
La goleta America, que dio nome a la famosa regata #Copa América.
El Rainbow Warrior II ye una goleta de tres mástiles «moderna» (botada orixinalmente en 1957) utilizada pola organización ecoloxista Greenpeace ente 1989 y 2011.

Una goleta ye un buque de vela de dos o más mástiles -húboles hasta de siete palos-, siendo'l mayor el de mesana, col apareyu formáu por veles áuricas (cangrejas y escandaloses) y veles de cuchiellu (foques y veles de estay); esto ye, veles dispuestes nel palu siguiendo la llinia de llarpiaba, de proa a popa, en cuenta de montaes en vergas tresversales, como les veles cuadraes.

Historia

La goleta apaez nel sieglu XVIII y tien carauterístiques funcionales asemeyaes al bergantín, del que s'estrema principalmente pol so apareyu. Ye un buque capaz d'algamar gran velocidá en cinxida y traviés, y emplegóse de forma asemeyada al bergantín, anque pol so menor tamañu destinábase más a actividaes mercantes de cabotaxe. L'apareyu de cuchiellu rique menos personal pal so manexu. Les goletes solíen ser de menor desplazamientu que los bergantinos, anque tamién les hubo de más tonelaxe, que s'emplegaron en navegación ente continentes, y en dalgún casu hasta de tres palos.

La goleta sume nel sieglu XIX xunto col navegación a vela. La goleta mayor na marina mercante del mundu foi'l Thomas W. Lawson (1902-1907), un veleru de cascu d'aceru d'Estaos Xuníos con siete mástiles y una carga máxima de 11 000 t. L'apareyu de goleta tuvo gran influencia nes embarcaciones deportives de vela actuales y nes construcciones modernes de grandes buques de vela, como buques escuela o pa entretenimientu, que casi siempres empleguen apareyos de tipu goleta o les sos variantes.

Tipos y variantes

Les goletes ordinaries pueden clasificase nes de estayes y les áuricas (o «bermudianas»). Les primeres apareyen veles de estay ente los mástiles; ente que les segundes empleguen nesa posición veles áuricas (cangrejas y escandaloses). Toes elles incorporen foques ente'l primer mástil y el moprés y veles áuricas por detrás del últimu palu.

Embarcaciones con variantes del apareyu de la goleta, amás del bergantín-goleta (palu trinquete apareyáu de cruz, como por casu el Juan Sebastián Elcano) son la goleta de velacho, con una o dos de tales veles nel trinquete (el palu más cercanu a proa); goleta de gavias (trinquete con cangreja, escandalosa y gavias en mayor); goleta-polacra, mayor apareyáu de goleta y trinquete con dos veles cuadraes y cangreja, ensin cofas nin cruceta; pailebot (vela de gavia baxa en trinquete) y queche, colos mesmos apareyos, siendo'l trinquete'l palu mayor.

Ver tamién

  • Bergantín-goleta.
  • Goleta de estayes.


Referencies

Enllaces esternos

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.