Mailoc

Mailoc
Q131265253 Traducir

- Metopius (en) Traducir →
Vida
Nacimientu fecha desconocida
Nacionalidá Reinu de Galicia
Muerte fecha desconocida
Oficiu
Oficiu presbíteru
Cambiar los datos en Wikidata
El reinu suevu, nel noroeste de la Península Ibérica, nel s. VI.

Mahiloc, Mailoch, Mailoc o Maelog foi obispu de Britonia nel sieglu VI.

La única mención conocida d'esti personaxe na historiografía ye la so firma nes actes del segundu conceyu de Braga celebráu l'añu 572 en tiempos del rei Miro, nel que s'axuntaron los obispos de toles diócesis del reinu suevu: el metropolitanu de Braga Martín, colos sos sufragáneos Remisol de Viseu, Lucecio de Coímbra, Adorico d'Egitania, Sardinario de Lamego y Viator de Magnetu; y el de Lugo Nitigisio colos suyos, Andrés d'Iria, Witimiro d'Ourense, Polemio d'Astorga, Anila de Tui y el mesmu Mailoc, que robló n'últimu llugar como'l preláu de menor antigüedá.[1][2]

A partir de tan escasa información, dellos autores conxeturaron que pudiera ser d'orixe galés,[3] bretón[4] o, más genéricamente, celta,[5] suponiendo que la diócesis de Britonia, mentada per primer vegada nel Parroquial suevu c. 569, sería fundada por un grupu d'inmigrantes procedentes de les Islles Britániques emburriaos pola invasión anglosaxona; otros apuntaron que Mailoc pudiera ser miembru de l'aristocracia sueva, emparentáu cola familia real, refugando la teoría de que la nueva diócesis fuera alzada por estranxeros.[6]

Tampoco ta claru si esti preláu ye'l mesmu que col nome de Maliosus o Maliocus suscribió les actes del primer conceyu de Braga celebráu l'añu 561 ensin mentar explícitamente la so sede,[7][8] y nesi casu sería'l primer obispu de la diócesis, o si la identificación de dambos foi un error provocáu pola mala llectura de les actes de los conceyos bracarenses.[5][6]

Referencies

  1. ↑ Enrique Flórez: España sagrada, vol. XVIII, p. 13 (1764).
  2. ↑ Juan Tejada y Ramiro reproduz les actes del conceyu en Coleccion de cánones de la ilesia española, vol. II, páxs. 620-651.
  3. ↑ Melville Richards: Mailoc (1972).
  4. ↑ Enrique Cal Pardo: Episcopologio mindoniense, p. 11 (2003).
  5. ↑ 5,0 5,1 Antonio Tovar Llorente: Un obispu con nome británicu y los oríxenes de la diócesis de Mondoñedo (1972).
  6. ↑ 6,0 6,1 Luis Agustín García Moreno: Ecclesia Britonensis: ¿El más estremu asentamientu de los britones na Antigüedá Tardía? Archiváu 2011-07-23 en Wayback Machine, páxs. 579-593 (2007).
  7. ↑ Pierre David: Études historiques sur la Galice et le Portugal du VIe au XIIe siècle, páxs. 55 ss (1947).
  8. ↑ Francisco Javier Fernández Conde: La relixosidá medieval n'España, vol. I, p. 156 (2000).



Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.