Metralleta

Tipu	firearm family (en)

La metralleta^[1] ye una carabina automática diseñada pa disparar munición de pistola; ye por tanto un arma de fueu de tiru automáticu y de curtiu algame (unos 150 m a lo más), pensada para apurrir gran cadencia de fueu en distancies curties.

Estremase d'una pistola ametralladora en que mientres ésta ye una arma curtia (pistola), la metralleta ye una arma llarga, pensada para usase preferentemente a dos manes y de cutiu sofitando la so culata nel costazu.

Esta arma n'ocasiones apaeció mentada como «subametralladora», en traducción totalmente lliteral del términu n'inglés para la mesma (submachine gun).

Pue clasificase a les metralletes en cuatro "xeneraciones":

• Los de primer xeneración inclúin los modelos anteriores a la Segunda Guerra Mundial, como'l MP18 o'l Thomson M1928.

• Los de segunda xeneración yeren más pequeños y baratos, y mecánicamente más senciellos, como munchos usaos mientres la Segunda Guerra Mundial (MP38, MP40, Sten, M3, etc.).

• Los de tercer xeneración apaecieron a partir de la década de los 50. El Uzi israelín ye'l más famosu y utilizáu, senciellu, práuticu, resistente, fiable, seguro y baratu.

• Los de cuarta xeneración son modernos y más sofisticaos. Dalgunos señalen al HK MP5 (bien popular ente unidaes d'élite policiales poles sos prestaciones) como'l primer exemplu. Pero otros menten diseños entá más modernos, como'l Spectre M4 o'l P90. Son armes precises y calidable.

La metralleta foi un arma popular na Guerra Civil. L'exércitu español siempres lu tuvo en gran estima y emplegó dellos modelos.

N'España desenvolveron pola empresa eibarresa STAR, Bonifacio Echeverría S.A. los modelos basaos nel Z-45, dando llugar a metralletes nueves Z-62 (y Z-63), y más palantre el Z-68 y el Z-70 (y Z-70B), que seríen los oficiales na policía y Guardia Civil y d'otros cuerpos militares y policías en diversos países.