Monón

Monón
Alministración
País España
Autonomía Principáu d'Asturies
Provincia provincia d'Asturies
Conceyu Allande
Parroquia Santa Colomba
Tipu d'entidá casería[1]
Demografía
Población 6 hab. (2024)
Porcentaxe 13.04% de Santa Colomba
Cambiar los datos en Wikidata

Monón[2] ye una entidá de población de la parroquia de Santa Colomba, nel conceyu asturianu d'Allande.

L'INE establez que Monón ye una casería[3] de 6 habitantes (2024)[4]. El so códigu de referencia ye 33 001 110900.[5]

Alcuéntrase a una distancia de La Puela, capital del conceyu, de 20 km. Tien una altitú máxima de 600 m sobre'l nivel del mar. Pal añu 2001 contaba con 10 viviendes, 4 principales y 6 non principales.[6]

Topónimu

Diz Xosé Lluis García Arias[7], al falar del términu "Muñera":

"Un grupo bayurosu de llugares lleven el nome que representa un parentescu con una pallabra prerromana *MUNNO presente anguaño en vascu, y n'otras llingües, embaxo les espresiones muño, muñatz ‘oteru, colina, cima’, y n'asturianu muñón o moyón [...]
"Daquellos del tipu moña o mona que remiten a un étimu con -NN- repartíos xeográficamente, con -ñ- na rexón norte-oriental asturiana; con -n- nel asturiano sureñu-occidental. Pudieren faer referencia a dalguna elevación redondeada del terrén a xuzgar pol ast. moña o mona qu'ente les sos aceiciones tienen la d'‘enfermedá del maíz’ si la consideramos equivalente a ‘escrecencia negra que suel crecer xunto a la panoya del maíz’. Nesti grupu taríen, entós, los topónimos del tipu moña y mona, y tamién moñaca y monaca anque s'observe una continua interferencia ente elles pol influxo de moñu ‘moño’:
"Mones (Vd), Las Monas (Ll), Monón (An), etc."

Sitios d'interés

Capiella de San Jorge

Conxuntu de paneres d'estilu "Allande"

La casería cuenta con delles paneres decoraes al estilu Allande, asitiaes xunto a les cases familiares.

Alcontramos, d'esta miente, la panera de Casa Margarito, de 1823, con una cara humana tallada; la de Casa Vicente, de 1865, con una roseta octapétala; la de Casa Bartolo, de 1864, tamién con una roseta, pero hexapétala esta vez.

Anque la más destacable, pol estáu de conservación de los sos colores orixinales y la so decoración con dellos tetrasqueles y rosetes, ye la panera de Casa Paisano, que data de 1918.

Referencies

  1. ↑ Afirmao en: Nomenclátor d'entidaes de población d'Asturies. Data de consulta: 22 ochobre 2024. Editorial: Sociedá Asturiana d'Estudios Económicos ya Industriales.
  2. ↑ «Nomes de conceyos, parroquies, pueblos y llugares del Principáu d'Asturies» (asturianu) páx. 20. Uviéu: Academia de la Llingua Asturiana (14 d'abril de 2000).
  3. ↑ «SADEI: Noménclator d'entidaes del Principáu d'Asturies» (en castellanu).
  4. ↑ Nomenclátor del INE: Población del padrón continuo por unidad poblacional. (Institutu Nacional d'Estadística).
  5. ↑ Nomenclátor del INE, 2012[1]
  6. ↑ Nomenclator de la SADEI [2]
  7. ↑ Xose Lluis García Arias, "Toponimia Asturiana"[3]

Enllaces esternos

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.