Patada
strike (en)

En violencia, artes marciales y deportes, una patada ye un golpe col pie, la rodiya o la pierna. Como ataque úsase en combate cuerpu a cuerpu. Les pataes son, polo xeneral, más lentes que los puñetazos anque más fuertes qu'éstos.

Les pataes son parte fundamental en munches artes marciales, como puen ser el Kung fu, karate, Tai-Jitsu, kick-boxing, tangsudo o taekwondo; mientres qu'otres artes nun usen nenguna patada, como ye'l casu del yudu o del boxéu. Otres artes marciales de competición puen usar pataes anque restrinxéndoles a ataques a les piernes y a la parte baxa del cuerpu del contrariu.

Esiste un gran númberu de pataes, y munches tienen nomes carauterísticos pa caúna. Davezu'l mesmu movimientu tien estremaos nomes nes diferentes artes marciales. Esto nótase especialmente al comparar artes orientales y occidentales.

• Patada frontal (front kick): caderes de frente - Ye de forma "penetrante", de forma "d'emburriu" (Push kick, Pushing kick) o de forma "azotada" (Front snap-kick).
• Patada llateral (side kick): caderes de llau - Ye de forma "penetrante".
• Patada semicircular (Semicircular kick): tamién patada circular de 45 graos. Patada de la categoría de les téuniques llamaes circulares. Son executaes coles caderes de frente por un movimientu pendular del miembru inferior al rodiu de la cadera (movimientu zarrando’l muslu sobre'l troncu) que pue combinar una estensión viva de la rodiya. Como les pataes circulares, contempla davezu los oxetivos llaterales del cuerpu.
• Patada circular (roundhouse kick): en llinia baxa o patada baxa (low kick), d'altura media (nivel del troncu) o patada media (middle kick) y na llinia alta (nivel de la tiesta) o patada alta (high kick).
• Patada de ganchu (hook kick) o patada circular inversa: caderes de frente o de llau.
• Patada trasera (back kick) o patada hacia atrás: caderes de llombu.
• Barríu (sweeping): patada de barríu solamente sobro la zapatiella de boxéu (o'l pie). Principales formes: barríu a la cuyar, a la cuyarón o de ganchu. Esisten los barríos xiratorios (tipu roundhouse-kick) y devueltos (tipu spinning hook-kick).

(1) Les pataes frontal y llateral, de forma "penetrante", sobro'l miembru inferior son autorizaes ente los profesionales sobre too pa ciertos títulos, pero non en tolos países.

(2) Esisten numberoses pataes híbrides, como la "llateral-frontal" (side-front) o "patada llateral" coles caderes más bien de frente que permite una conexón instantánea de les téuniques de puñu, perútil en defensa activa

• 
  Patada frontal
• 
  Patada llateral
• 
  Patada semicircular
• 
  Patada circular

Categoría de les pataes con pierna reuta, llamaes "en palu" (stick kick):

• Patada creciente (crescent kick): caderes de frente.
• Patada descendente (hammer kick o axe kick): solmenada col talón - patada llamada en "martiellu".

• 
  Patada de ganchu
• 
  Barríu de tipu patada de ganchu con xiru
• 
  Patada creciente
• 
  Patada descendente

• Patada de ganchu con xiru (spinning hook kick).
• Patada llateral con xiru (spinning side kick).
• Patada trasera con xiru (spinning back kick).
• Patada frontal con saltu (o "en saltu") (jumping front kick).
• Patada circular con saltu (jumping roundhouse kick).
• Patada llateral con saltu (jumping side kick).
• Patada trasera con saltu (jumping back kick).

(*) Dalgunes téuniques puen ser con xiru y con saltu al empar.

• 
  Patada de tipu palu a distancia media
• 
  Patada trasera con xiru en golpe de contra
• 
  Patada llateral con saltu
• 
  Patada trasera con saltu