Porrúa

Porrúa
Alministración
País España
Autonomía Principáu d'Asturies
Provincia provincia d'Asturies
Conceyu Llanes
Partíu xudicial Llanes
Tipu d'entidá parroquia d'Asturies
Xeografía
Coordenaes 43°24′42″N 4°48′05″W / 43.41174°N 4.80129°O / 43.41174; -4.80129
Porrúa alcuéntrase n'Asturies
Porrúa
Porrúa
Porrúa (Asturies)

Llocalización de Porrua nel conceyu de Llanes.
Superficie 10.59 km²
Altitú 51 m[1]
Llenda con Po, Parres, Celoriu, Carreña y Arenas
Demografía
Población 440 hab. (2024)
Porcentaxe 3.26% de Llanes
Densidá 41,55 hab/km²
Cambiar los datos en Wikidata

Porrúa[2] ye una parroquia del conceyu de Llanes, nel Principáu d'Asturies. Tien una población de 440 habitantes (2024)[3], y una estensión de 10,59 km²[4]. Ta asitiada a 3,5 km de la capital del conceyu. Celébrase la festividá patronal de Santuyano y Santa Basilisa, siendo la fiesta grande San Xusto y San Pastor celebrada'l segundu domingu d'agostu. Tamién tien llugar El Mercáu Tradicional de Porrúa, pioneru nesti tipu d'eventos y manifestación de l'artesanía, la música, el folclor y la etnografía de la zona. Porrúa cunta coles mesmes con una feria de ganáu añal, un muséu etnográficu, una asociación cultural y una bolera cubierta única na rexón. Únicu nucleu de población de la parroquia del mesmu nome, con 400 habitantes, ye unu de los pueblos de más destacada personalidá de tol conseyu de Llanes. Famosu por dar nome al traxe d'home tradicional de la zona (porruanu), y polos sos quesos, caltuvo, a lo llargo de la so historia, formes organizativas y tradiciones qu'entá perviven.

Asitiáu a 4 quilómetros al suroeste de Llanes (salida pela carretera Llanes-L'Agüera Meré) y a 2,5 quilómetros de Celoriu (carretera llocal LL-00), asítiase nun reborde de la zona montiega denominada Mañanga.

Na plaza pública denominada Campu Santuyano (denominación qu'alude al patronalgu de dichu santu, de posible orixe altomedieval), conocida tamién como La Bolera, por tar nella la única bolera cubierta (modalidá bolo-palma) de la contorna, tán asitiaos amás de la Ilesia (1905-1906), la Escuela (1924), y el Casín-Biblioteca (1928). Allegante a dicha plaza, con entrada pola mesma, atópase'l Muséu Etnográficu del Oriente d'Asturies, d'ámbitu comarcal.

La so situación privilexada,dientro del conceyu de Llanes, con más de trenta sableres de finu sable, enclavaes en llugares de gran guapura natural, xuníu a la so cercanía a los Picos d'Europa y al so pervalible patrimoniu cultural, convirtieron esti conceyu en cita obligada pa miles de visitantes que, añu tres d'añu, averense a esta tierra pa esfrutar de la so gastronomía, folclor y del tratu coles sos xentes.

El clima ye templáu, con oscilaciones térmiques bastante moderaes; esto refléxase en branos ya iviernos nidios con unes medies que superen los 17 °C pel branu y los 8,5 °C pel iviernu.

Nel añu 2005, esta parroquia recibió'l Premiu Príncipe d'Asturies al Pueblu Exemplar y nel añu 2008 foi Pueblu cultural d'Europa.[5][6]

Barrios

El Colláu, El Colláu Molín, La Concha, L' Aguillón, La Boriza, La Cai, La Vega, La Veguina, El Depósitu, Valparón, La Cortina, Serna, Ḥogu la Zurra, Llagu la Corrada, La Ḥorna, El Molín, La Peral, La Caleya Roque, La Mazuga, La Concha, La Ḥorcada, El Carril, La Pasera, La Corrolada, La Bolera, Sorvilla, La Cerezal, Llacín, Meré, El Coteru, La Peruyal, El Cortixu, La Concha La Ḥorcada, La Portiellina, Caxigal, Ḥuentes, La caleya Don Grigoriu, Carapedru, La Ḥolechada, Llagu Villa, Llagu La Corrada, Piedramoler, Vallina, Sulatorre

Referencies

  1. ↑ Afirmao en: Q107986385. Editorial: Institutu Xeográficu Nacional d'España.
  2. ↑ «Espediente colos topónimos oficiales de Llanes». BOPA.
  3. ↑ Nomenclátor del INE: Población del padrón continuo por unidad poblacional. (Institutu Nacional d'Estadística).
  4. ↑ Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024.
  5. ↑ Porrúa va ser 'Pueblu cultural d'Europa 2008'
  6. ↑ Porrúa abre los actos

Enllaces esternos

Predecesor:
Viḷḷar de Vildas 		Premiu al Pueblu Exemplar d'Asturies

2005 		Socesor:
Comunidá vecinal de Sariegu

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.