Susuwatari

Susuwatari (ススワタリ), tamién nomaos como makkuro kurosuke (まっくろくろすけ, la so traducción sedría «asistentes mui escuros»), ye’l nome d’una variedá de yōkais ficticios creaos pol director xaponés Hayao Miyazaki. Los susuwatari apaecen en dos famoses películes de Studio Ghibli: Tonari no Totoro y Sen to Chihiro no kamikakushi. Nes primeres versiones de los subtítulos llámenlos «espíritos de sarriu», «dust bunnies» (coneyucos del polvu) nel doblaxe de Streamline Pictures, «duendos del polvu» en doblaxes posteriores y «gremlins del sarriu» nel doblaxe fechu por Walt Disney Studios.[1][2]

Descripción

Los susuwatari son descritos y mostraos como pequeños seres del tamañu d’una bola de golf, desaxeradamente escuros, colo que paez ser pelo rizao y despuntiao, dos grandes güeyos, y estremidaes  llargues y delgaes. Asemeyaos a un llixu negru, tán fechos de sarriu y muévense como les abeyes, pero pueden estender les pates y los brazos pa facer delles xeres y poder llevantar oxetos mui pesaos. Faen un soníu mui paecíu a un murmuru ruidosu cuando tán entusiasmaos y vuélvense polvu si los achaplen. Son criatures qu’asusten mui fácilmente y que fuxen de los humanos pa escondese en cualquier abertura pequeña y escura. Les películes espliquen que nun se pueden ver, pero que de xemes en cuando, al pasar d’un sitiu escuro a ún illumináu ye posible atopalos. Viven en cases vieyes y abandonaes, abeyando y cubriendo too de polvu.

Tonari no Totoro

En Tonari no Totoro, la casa a la que la familia Kusakabe va a vivir ta enllena d’ellos. Mei y Satsuki xueguen a buscalos, y al ver que la familia yera bona xente, los susuwatari deciden nun los molestar y dexen la casa pa ocupar dalgún otru edificiu abandonáu.[3]

Sen to Chihiro no kamikakushi

Los susuwatari reapaecen en Sen to Chihiro no kamikakushi como trabayadores na sala de calderes de Kamajii.[4][5]

La protagonista, Sen (Chihiro), faise amiga de dalgunos d’ellos al ayudalos a cargar carbón. A Sen dicen-y que si a los susuwatari nun-yos dan dellos trabayos, conviértense de nuevu en sarriu. Otro personaxe, Lin, alimentalos asemeyao a como los granxeros dan de comer a los pitos, tirándo-yos puñaos de kompeitō (carambelu xaponés) al suelu pa qu’ellos lu coman.[4] Cuando Sen ye aceptada ente’l personal de la casa de baños, principalmente por Kamajii y Lin, los susuwataris pasen a ser almiradores d’ella,[6] y ayúdenla de pequeñes formes.[5]

Zen - Grogu and Dust Bunnies

Los susuwatari apaecen nuevamente nel cortu animáu Zen - Grogu and Dust Bunnies, una collaboración del 2022 de Studio Ghibli y Lucasfilm presentáu inicialmente na cuenta de Twitter de Studio Ghibli y estrenáu nel serviciu de streaming Disney+. Nél, Grogu, personaxe de The Mandalorian, rellaciónase con un grupu de susutawari que-y dan una flor como regalu.[7]

Referencies

  1. Turner, Jon (5 de setiembre de 2009) «My Neighbor Totoro (Fox dub and Disney dub)». LiveJournal (5 de septiembre de 2009). Archiváu dende l'orixinal, el 7 de febrero de 2016. Consultáu'l 23 de enero de 2016.
  2. «My Neighbor Totoro by 20th Century Fox, Hayao Miyazaki, Dakota Fanning - 24543059233 - Barnes & Noble». Barnes & Noble (6 de xunu de 2014).
  3. Nobuhiro, Art of My Neighbor Totoro
  4. Miyazaki, Art of Spirited Away, pp. 94-95
  5. Miyazaki, Art of Spirited Away, pp. 108
  6. Miyazaki, Art of Spirited Away, pp. 151
  7. Ettenhofer, Valerie (11 de payares de 2022). "Lucasfilm And Studio Ghibli Announce Animated Star Wars Short For The Mandalorian's Third Anniversary" Slashfilm. Recuperáu el 12 de payares de 2022.

Bibliografía

  • Hayao Miyazaki, Yuji Oniki: Spirited Away. Viz Communications, San Francisco 2003, ISBN 1-56931-794-1
  • Hayao Miyazaki: My neighbour Totoro. Viz Communications, San Francisco 2005, ISBN 1-59116-699-3
  • Julien R. Fielding: Discovering world religions at twenty-four frames per second. Scarecrow Press, 2008, ISBN 0-8108-5996-3, page 317.
  • Patrick Drazen: A Gathering of Spirits: Japan's Ghost Story Tradition: from Folklore and Kabuki to Anime and Manga. iUniverse, New York 2011, ISBN 1-4620-2942-6, page 144.
  • Ayumi Suzuki: Animating the chaos: Contemporary Japanese anime , cinema, and postmodernity. ProQuest, Carbondale 2008, ISBN 0-549-60505-3, page 14.
  1. ↑ Turner, Jon (5 de setiembre de 2009).«My Neighbor Totoro (Fox dub and Disney dub)». LiveJournal (5 de septiembre de 2009). Archiváu dende l'orixinal, el 7 de febrero de 2016. Consultáu'l 23 de enero de 2016.
  2. ↑ «My Neighbor Totoro by 20th Century Fox, Hayao Miyazaki, Dakota Fanning - 24543059233 - Barnes & Noble». Barnes & Noble (6 de xunu de 2014).
  3. ↑ Nobuhiro, Art of My Neighbor Totoro
  4. ↑ 4,0 4,1 Miyazaki, Art of Spirited Away, pp. 94-95
  5. ↑ 5,0 5,1 Miyazaki, Art of Spirited Away, pp. 108
  6. ↑ Miyazaki, Art of Spirited Away, pp. 151
  7. ↑ Ettenhofer, Valerie (11 de payares de 2022). "Lucasfilm And Studio Ghibli Announce Animated Star Wars Short For The Mandalorian's Third Anniversary" Slashfilm. Recuperáu el 12 de payares de 2022.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.