September er 9. mánaði í árinum eftur tí gregorianska kalendaranum og ein av 4 mánaðum, sum hava 30 dagar.

Heitið á mánaðinum kemur av latínska orðinum septem, ið merkir sjey. September var nevniliga sjeyndi mánaðin í gamla rómverska kalendaranum, har árið byrjaði 1. mars.

• 1. september 1958 – Ísland víðkar fiskimarkið og Toskastríðið ímóti Stóra Bretlandi byrjar.
• 1. september 1969 – Muammar Gaddafi kemur til valdið í Libya.
• 1. september 1972 – amerikanski Bobby Fischer gerst heimsmeistari í talvi, tá hann vinnur á russiska Boris Spassky í serligum talvdysti í Reykjavík.
• 1. september 1984 – Sjónvarp Føroya verður alment tikið í brúk.
• 1. september 1985 – vrakið av skipinum Titanic verður funnið á botninum á Atlantshavinum.
• 1. september 2015 – Løgtingsval í Føroyum.
• 2. september 1752 – Stóra Bretland fer at brúka Gregorianska kalendaran næstan 200 ár aftan á restina av Vesturevropa.
• 2. september 1807 – bretski flotin bumbar Keypmannahavn í roynd at forða danskarum at yvirgeva flota sín til Napoleon.
• 2. september 1811 – háskúlin í Oslo verður settur á stovn sum Kongaligi Fredericks Háskúli.
• 3. september 1967 – "H-dagurin" í Svøríki. Ferðsla broytist yvir í koyring á høgru vegsíðu.
• 6. september 1968 – Svasiland verður sjálvstøðugt
• 6. september 1991 – Leningrad í Russlandi skiftir navn til Sankta Pætursborg.
• 11. september 1919 – amerikanski flotin ger innrás í Honduras,
• 11. september 2001 – yvirgangsatsókn: 2996 fólk lata lív, tá yvirgangssamtakið Al-Qaeda tekur yvir fýra flogfør og brotlendir tey í báðar bygningar World Trade Center , Pentagon og tann síðsta á eini mark í Pennsylvania, USA.
• 17. september 1983 – Perlan í Vágsbotni verður tikin niður.
• 20. september 1519 – portugisiski sjófarin Ferdinand Magellan byrjar sína fyrstu siglingarferð um knøttin.
• 22. september 1761 – Georg III av Stórabretlandi og Charlotte av Mecklenburg-Strelitz verða krýnd kongur og drotning av Stórabretlandi og Írlandi.
• 22. september 1862 – amerikanski forsetin Abraham Lincoln lýsir trælirnar í amerikansku suðurstatunum sum fræls menniskju frá 1. januar 1863.
• 25. september 1237 – í York verður millumlandasáttmáli undirskrivaður, ið staðfestir markið millum Ongland og Skotland
• 29. september 1789 – amerikanska kongressin hittist fyri fyrstu ferð.
• 29. september 1903 – Preussen verður fyrsta land í heiminum, ið krevur at øll, ið eiga akfar, skulu hava koyrikort.
• 30. september 1966 – íslenska sjónvarpið RÚV sendir fyri fyrstu ferð.

Sí miðlasavnið

»September« í Wikimedia Commons.