AMD

Advanced Micro Devices, Inc.
ტიპი საზოგადოებრივი კომპანია
დარგი ნახევარგამტარები
დაფუძნდა 1 მაისი, 1969; 57 წლის წინ (1969-05-01)
სათავო ოფისი სანტა-კლარა, კალიფორნია, აშშ
პროდუქცია
შემოსავალი 25.79 მილიარდი აშშ დოლარი (2024)
თანამშრომელი დაახლ. 28,000 (2024)
საიტი ოფიციალური საიტი

Advanced Micro Devices, Inc. (AMD) — ამერიკული მრავალეროვნული ტექნოლოგიური კომპანია, ცენტრალური და გრაფიკული პროცესორების ერთ-ერთი უმსხვილესი მწარმოებელი, რომლის სათავო ოფისი მდებარეობს სანტა-კლარაში, კალიფორნიაში. AMD ემსახურება ბიზნეს და სამომხმარებლო ბაზრების ფართო სპექტრს, მათ შორის სათამაშო ინდუსტრიას, მონაცემთა ცენტრებს, ხელოვნურ ინტელექტს (AI) და ჩაშენებულ სისტემებს. AMD-ის მთავარი კონკურენტები არიან Intel ცენტრალური პროცესორების ბაზარზე და Nvidia გრაფიკული პროცესორების ბაზარზე.

AMD-ის ძირითადი პროდუქტებია მიკროპროცესორები, დედაპლატის ჩიპსეტები, ჩაშენებული პროცესორები და გრაფიკული პროცესორები სერვერებისთვის, სამუშაო სადგურებისთვის, პერსონალური კომპიუტერებისთვის და ჩაშენებული სისტემებისთვის. AMD-ის პროცესორები ფართოდ გამოიყენება სხვადასხვა ტიპის გამოთვლით მოწყობილობებში, მათ შორის პერსონალურ კომპიუტერებში, სერვერებში, ლეპტოპებსა და სათამაშო კონსოლებში.

AMD დაარსდა 1969 წლის 1 მაისს ჯერი სანდერსისა და სხვა პროფესიონალი ტექნოლოგების მიერ.[1][2] კომპანიის ადრეული პროდუქტები ძირითადად მოიცავდა მეხსიერების ჩიპებსა და კომპიუტერის სხვა კომპონენტებს. 1975 წელს AMD შევიდა მიკროპროცესორების ბაზარზე და კონკურენცია გაუწია Intel-ს, მის მთავარ მეტოქეს პროცესორების ინდუსტრიაში. 2000-იანი წლების დასაწყისში კომპანიამ მიაღწია მნიშვნელოვან ზრდასა და წარმატებას, რაშიც დიდი წვლილი მიუძღვის Athlon-ისა და Opteron პროცესორების წარმატებას პერსონალური კომპიუტერების ბაზარზე. 2006 წელს AMD-მ 5.4 მილიარდ აშშ დოლარად შეიძინა კანადური ნახევარგამტარების მწარმოებელი კომპანია ATI Technologies.[3][4] 2000-იანი წლების მიწურულსა და 2010-იანი წლების დასაწყისში AMD სერიოზული გამოწვევების წინაშე იდგა, რადგან Intel-ს მნიშვნელოვნად ჩამორჩებოდა უფრო სწრაფი და მძლავრი პროცესორების შექმნაში.

2010-იანი წლების ბოლოს AMD-მ კვლავ მოიპოვა ბაზრის წილი მის პროდუქტებზე ფასის დაგდებისა[5] და Ryzen პროცესორების წარმატების წყალობით, რომლებიც წარმადობის კუთხით მნიშვნელოვნად აღემატებოდნენ Intel-ის მიკროპროცესორებს და ამავე დროს, შედარებით დაბალი ფასებით გამოირჩეოდნენ.[6] 2022 წელს AMD-მ პირველად გადაუსწრო Intel-ს საბაზრო კაპიტალიზაციით.[7][8]

ლიტერატურა

რესურსები ინტერნეტში

სქოლიო

  1. ↑ The other founding members were Ed Turney, John Carey, Sven Simonsen, Jack Gifford and three members from Gifford's team: Frank Botte, Jim Giles, and Larry Stenger.
  2. ↑ Rodengen, Jeffrey L. (1998). The Spirit of AMD: Advanced Micro Devices. Write Stuff.
  3. ↑ AMD Completes ATI Acquisition and Creates Processing Powerhouse. NewsWire (2006-10-25). დაარქივებულია ორიგინალიდან — 2011-08-23.
  4. ↑ „"Слияние" AMD и ATI это не только экономическая сделка, но и продукт“. THG. 2006-10-25. დაარქივებულია ორიგინალიდან — 2015-12-08. ციტირების თარიღი: 2015-12-05.
  5. ↑ AMD's Extremely Successful Price Strategy Could Burden AMD And Intel Investors Long Term en (2019-10-22). ციტირების თარიღი: 2024-08-23
  6. ↑ AMD ascending: How Ryzen CPUs snatched the computing crown from Intel en (March 31, 2020). ციტირების თარიღი: March 31, 2020
  7. ↑ AMD's Market Cap Surpasses Intel for the First Time in History en (February 16, 2022). ციტირების თარიღი: February 16, 2022
  8. ↑ How AMD became a chip giant and leapfrogged Intel after years of playing catch-up en (November 22, 2022). ციტირების თარიღი: November 22, 2022

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.