Christopher

Ang Christopher (minsan ding Kristopher) ay isang bersyong Ingles ng pangalang panlalaki na pangunahing malawakang ginagamit sa Europa, at nagmula sa sinaunang Griyegong Χριστόφορος o Khristóphoros. Nangangahulugan ang pangalan ng "tagapagdala ni Kristo" o "tapagdala ng Kristo"[1], subalit may mas literal na ibig sabihing "tagapagdala ng isang napili". Kabilang sa mga bahagi ng pangalan ang χριστός (khristós) o "isang napili" at φέρειν (phérein) o "buhatin". Nagmula ang pangalang ito sa Kristiyanong alamat ni San Cristobal, na kilala sa Ingles bilang St. Christopher.

Bilang isang ibinigay o unang pangalan, ginagamit na pangalan mula pa noong ika-15 mga daang taon. Sa Dinamarka ipinangalan ito sa tatlong mga hari, na karaniwang binabaybay bilang Christoffer). Kabilang sa mga taong may ganitong pangalan si Christopher ng Bavaria, isang lalaking namuno sa Noruwega at Suwesya (Sweden) noong ika-15 mga daangtaon. Sa Estados Unidos, matatagpuan ang pook na nagngangalang Christopher, Illinois.

Sa Ingles, dinadaglat ang Christopher bilang Chris, Kit, Chip, Topher, Toph, Cris, Kris, at Christo. Sa mga bahagi ng Irlanda, ginagamit din ang daglat na Cricky o Crick. Sa Pilipinas, may kadaglatan itong Chris, Cris, Tope, Topey, at Toper.

Sa Kastila, katumbas ito ng Cristóbal, katulad ng kay Cristobal Colon o Christopher Columbus sa Ingles. Binabaybay ito sa Tagalog bilang Cristobal, na walang bantas ang maliit na titik "O".

Pinili ni Reberendo James Keller, M.M. ang pangalang The Christophers ("Ang mga Cristobal") para sa kanyang samahang itinatag noong 1945, dahil sa kanyang paniniwalang bawat isa taong ay maaaring maging isang misyonero, at upang ilarawan ang isang taong makapagdadala ng mga prinsipyo ng Mabuting Balita sa "pamilihan" ng pang-araw-araw na buhay.[1]

Mga anyo sa ibang wika

Narito ang mga anyo nito sa piling ibang wika:

  • Aleman : Christoph
  • Breton : Kristof
  • Korsikano : Cristofanu
  • Danes : Christoffer
  • Kastila : Cristóbal
  • Katalan : Cristòfor
  • Esperanto : Kristoforo
  • Hunggaryo : Kristóf
  • Italyano : Cristoforo
  • Olandes : Christophe
  • Noruwego : Christopher
  • Polako : Krzysztof
  • Portuges : Cristóvão
  • Islobako : Krištof
  • Suweko : Kristofer
  • Tseko: Kryštof
  • Intsik: 基斯杜化
  • Hapones : クリストフ (Kurisutofu)

Mga sanggunian

  1. ↑ 1.0 1.1 The Christophers (2000). "Christopher". Three Minutes a Day, Tomo 35. The Christophers, Lungsod ng Bagong York, ISBN 0939055252., Introduction.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.