Hanami

Mga pagdiriwang ng Hanami sa Kastilyo ng Himeji.

Ang Hanami (花見, literal na "panonood ng mga bulaklak" o "pagtanaw sa mga bulaklak") ay isang nakaugalian o tradisyonal na gawi ng pagkakaroon ng kasiyahan sa kagandahan ng mga bulaklak, natatangi na ng mga seresang namumulaklak (桜 o 櫻 sakura). Mahigit na sa isang libong taon ang pagsasagawa ng Hanami at tanyag pa rin sa Hapon magpahanggang sa ngayon. Nagaganap ito tuwing tagsibol, na kabila naman ng kaugaliang Momijigari (紅葉狩り) na ipinagdiriwang naman tuwing taglagas. Tumatagal lamang ang mga usbong at bulaklak ng seresang namumulaklak sa loob ng isa hanggang dalawang mga linggo, kalimitang magmula Marso hanggang Abril, at sinusundan ng midya at hinihintay ng karamihan sa mga Hapones. Dumarating ang buong pagbuka ng mga bulaklak (満開 mankai) tuwing mga isang linggo pagkaraan ng pagbukadkad ng unang mga usbong (開花 kaika).[1] Pagkalipas ng isa pang linggo, tapos na ang kaigtingan ng pamumulaklak at babagsak ang mga bulaklak magbuhat sa mga puno.

Umiiral din sa Hapon ang isang mas sinaunang anyo ng hanami, na tumutukoy sa pagkakaroon ng kasiyahan sa pagtanaw ng mga bulaklak (梅 ume) ng mga duhat (tinatawag ding sinigwelas, pasas, o plum; mga halamang Prunus), sa halip na ng sa mga seresang namumulaklak. Bantog ang ganitong uri ng hanami sa mga matatandang mga Hapones dahil mas kalmado o mas mahinahon ang mga pagdiriwang na ganito kaysa mga pagdiriwang ng sakura na kalimitang kinabibilangan ng mga nakababatang mga Hapones at minsang napakamatao at magulo o maingay.

Mahalagang tandaan na hindi lamang ito tinatawag na hanami ng mga Hapones, kundi tinatagurian din bilang ohanami (お花見), na nagdaragdag ng "o" sa harapan ng salita, na literal na nangangahulugang "pagtingin sa mga usbong ng mga bulaklak".[2]

Mga sanggunian

  1. ↑ "A beginner's guide to Hanami". Japan-guide.com. Nakuha noong August 15, 2007.
  2. ↑ Varley, Paul (2000). Japanese Culture (ika-ika-4 (na) labas). University of Hawaii Press. ISBN 978-0-8248-2152-4. p. 73.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.