Inpusyon

Para sa ibang mga gamit, tingnan ang Inpusyon.
Ang paghahanda ng inpusyon ay halos katulad ng sa paggawa ng tsaa.
Mate.

Ang inpusyon o buhos-salin-babad ay isang payak na paraan ng paghahanda ng mga inuming katulad ng gawa mula sa mga yerba. Halos katulad ng sa paggawa ng tsaa ang paraang ginagamit para rito.[1] Kabilang sa paghahanda nito ang mga proseso ng pagbubuhos, pagsasalin, at pagbababad.[2][3]

Mga sangkap

Ginagamit ang inpusyon para sa mga bulaklak at madahong bahagi ng mga halaman. Karaniwang dami ang 30 mga gramo ng tuyong yerba o kaya 75 mga gramo ng sariwang yerba, at 500 mililitrong tubig. Palagiang gumagawa ng bagong inpusyon sa bawat araw na sapat para sa tatlong dosahe.[1]

Mga kagamitan

Sa pagluluto ng inpusyon, gumagamit ang naghahanda ng tahure o kaldero, palayok na pang-tsaa, pansala na maaaring yari sa naylon, tasa na pang-tsaa, at pitsel na may takip.[1]

Paraan ng paghahanda

Inilalagay ang mga bahagi ng yerba sa isang kalderong may mahigpit na takip, karaniwang palayok ng tsaa. Nagpapakulo ng tubig na hindi itinatapat sa pagkakataon ng sagad na pagpapakulo upang hindi mawala ang mahahalagang mga langis kapag sumingaw. Pagkaraan, binubuhusan ng mainit na tubig ang yerba. Pinababayaang kumatas ang yerba sa loob ng sampung mga minuto. Binubuhos ito na sinasala papunta sa isang tasang pang-tsaa. Itinatabi ang natira sa loob ng isang pitsel na inilalagak sa isang hindi naiinitang lugar.[1]

Pag-inom

Bilang pamantayang dosahe, iniinom ang inpusyon ng kalahating tasa bawat pag-inom, na inuulit ng tatlong beses sa loob isang araw. Iniinom na mainit o malamig ang produkto.[1]

Tingnan din

Mga sanggunian

  1. ↑ 1.0 1.1 1.2 1.3 1.4 Ody, Penelope (1993). "Infusion, Making Herbal Remedies". The Complete Medicinal Herbal. DK Publishing, Inc., pahina 120.
  2. ↑ Blake, Matthew (2008). "Infusion, pagbubuhos, pagsasalin". Tagalog English Dictionary-English Tagalog Dictionary. Bansa.org., makikita sa Infusion Naka-arkibo 2016-03-06 sa Wayback Machine.
  3. ↑ Gaboy, Luciano L. Infuse, infusion - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.