Bacteria

Escherichia coli
Rezistrasion
Dati
Małatia	malattia batterica (it)
Perìodo
Archeano (it) —
Tasonomia
Domigno	Bacteria Woese, Kandler e Wheelis, 2024
Tipo tasonòmego	Bacillus

I bateri i xe organismi picenini unisełułari, procarioti, (na volta ciamai anca schizomiceti) de dimension de sòłito del'órdene de póchi micròmetri, ma łe pol desferensiarse anca da 0,2 µm, a ocio, dei micoplasmi fin a 30 µm de qualche spirocheta.

Drio el sistema tasònomego proposto da Robert Whittaker inte el 1969, insieme a quee ciamade "àłeghe azure" o "cianoficee" (ancuo ciamade in maniera più sceta cianobateri) łe costituise el regno de łe monere. La più resente clasifegasion (1990) proposta da Carl Woese ła vol tre domini: Bacteria, Archaea e Eukarya (chel contien tuti i eucarioti, monosełułari e plurisełułari).

I procarioti i se destingue in dó grupi prinsipałi:

• archeobateri, i vive de frecuente in situasion de tenperadura e pH davèro inospitałe, ma i ga caraterìsteghe (de nutrision, riprodusion, strutura) sìmiłi ai eucarioti
• eubateri, i contien ła magior parte dei altri bateri; qualche grupo inportante: i micoplasmi, łe rickettsie, i attinomiceti, łe spirochete, i pseudomonadi, e i azotofisadori.

Fra de łóri i se destingue par forma i:

• Bastonsełi: a bastonsin; i se divide in Clostridi (anaerobi) e Basiłi (anaerobi e/o aerobi)
• Cochi: a sfera; se i se dispon a copia i vien ciamai diplocochi, a cadéna i se ciama streptocochi, a graspo i se ciama stafilocochi, a forma de cubo i se ciama sarcine
• Vibrioni: a vìrgoła
• Spiriłi: a spiral
• Spirochete: co parece curve

N'altra inportante sudivixion ła xe quea che mete conpagni quei bateri che i crese bén a serte tenperadure. Ghe xe tre clase:

• bateri criòfiłi o psicròfiłi (che i ama el frédo)
• bateri mexòfiłi (lett. che i ama el mexo, donca i sta ben a tenperadure medie)
• bateri termòfiłi (che i ama el caldo)

N'ùltema clasifegasion ła se baxa su ła so rełasion verso n'altro organismo:

• Batteri comensałi (simbionti), bateri che i xe prexenti de sòłito su ła superfisie de un serto tesùo, sénsa cauxar małatia e/o i pol svolxer funsion che łe pol eser ùtiłi al'òrgano steso.
• Batteri patògeni, bateri che co i ghe xe, ghe xe anca na patołogia e infesion.
  • Patogeni facoltativi, i no xe sénpre cauxa de małatia, el sta inte ła persona e inte ła so quantità.
  • Patogeni obligai, ogni volta i xe cauxa de małani.

• 
  Baciłi
• 
  Cochi
• 
  Vibrioni
• 
  Spiriłi
• 
  Spirochete

• Wikimedia Commons el detien imàjini o altri file so Bateri
• Wikispecies el detien informasion so Bateri
• Scholia el detien schemi gràfeghi so Bacteria