Corea

Sorte	Rejon zeogràfega, stato e paese diviso (it)
Epònemo	Goryeo
Rejon zeogràfega	Àzia Orientałe e Penisola coreana (it)
Posto
Continente	Àzia
Bagnà da	Mar del Japon, Mar Zało, Mar Cinese Orientale (it) e Mar del Sud
Formà da	Penisola coreana (it)
Dati e sifre
Traversa	Tre regni de Corea, Unificasion Siła, Tre Regni Posteriori de Corea, Goryeo, dinastia Joseon, Inpero corean e Inpero japoneze
Àrea	219 155 km²

Ła Corèa 한국 (Hanguk) in Corea del Sud e 조선 (Chosŏn) in Corea del Nord, ła ze na penìzoła situada inte l'Estremo Oriente, intrà Manciùria e Japon.

Ła Corèa ła ze bagnada da'l Mar Zało e Mar de'l Giapon. Ła ze una de łe penìzołe pi picenine de tuta l'Azia, ocupando na area de 220.750 km².

Da'l 1948, ła penìzoła Corèana ła ga perdesto ła so unità nasionałe: dopo de èsar stada cołonizada inte'l 1910 da'l Giapon e libarada da l'Union Soviètega e Stati Unìi inte'l 1945, i do vinsidori de ła Seconda guera mondiałe, i ga desidesto de ocupar respetivamente ła parte nord (par i sovièteghi) e sud (par i statunitensi) de ła penìzoła coreana.

I sovièteghi i se ga fermà sora el 38º parałeło e gli statunitennsi i se ga ciapà el resto, conprendesta l'ìzoła de Jeju. Inte'l 1948 ła penìzoła coreana ła ze stada dividesta in do stati: verso sud ła Repùblega de Corèa, ciamada Corèa de'l Sud, verso nord se cata el so ùgnoło confin, ła Repùblega Popołare Democràtega de Corèa, ciamada Corèa de'l Nord che ła confina co Cina e Rusia.

Par cheło che revarda ła pułìtega de ła penìzoła, i do stati i ga adotà sistemi połìteghi conpletamente contraditori intrà de łori: ła Corèa de'l Nord el ze un stato sosiałista fiło-cineze, mentre ła Corèa de'l Sud el ze un stato capitałista fiło-statunitense. La capitałe de ła Corèa de'l Nord ła ze Pyongyang, ła capitałe de ła Corèa de'l Sud ła ze Seul. La łengua ufisiałe ła ze el corean, el cuało el se difarensia intrà łe do Corèe, par pronunsia, diałeti, asenti e costumi lenguìsteghi. A'l de là de tałi difarense, ła łengua ła vien clasifegada cofà ùgnoła.

I abitanti i ze chiamài coreani. Ła cultura clàsega coreana ła ze 'ncora vedìbiłe in tute e do łe Corèe, anca se in Corèa de'l Sud ła cultura osidentałe ła ze racuanto difondesta, mentre in Corèa de'l Nord ła cultura clàsega coreana ła convive co ła cultura sosiałista.

• Wikimedia Commons el detien imàjini o altri file so Corea
• Scholia el detien schemi gràfeghi so Corea

• Corea, in Disionàrio de istòria, Istituto de ła Ençiclopedia Italiana, 2010.
• (IT, DE, FR) Coreahls-dhs-dss.ch, Disionàrio stòrego de ła Svìsara.
• (EN) Kwang-rin Lee, Bae-ho Hahn, Young Ick Lew, Ki-baik Lee e Jung Ha Lee, KoreaEnçiclopedia Britannica, Encyclopædia Britannica, Inc.