Benvegnesto FrancescoColomberotto inte ła comunità de Wikipèdia Vèneta

Sta pàzena che te si drio lèzar, ła ze ła pàzena de discusion de ła to utensa Wikipèdia, ła cuała ła vegnarà doparada par risévar mesaji da altri contribudori, ai cuałi te ghe podarè respóndar diretamente inte ła to pàzena de discusion o inte ła so pàzena, che te ła catarè linkada inte ła so firma sol finałe del mesajo (fìrmarte anca ti strucando o doparando ~~~~).

Par de pì, te ghè anca na pàzena de utensa, andove che te te podarè prezentarte, descrìvar i to gusti, i to costrumari, łe łéngue che te parli, etc.

Vołemo védarte de frecuente in volta par ła Wiki, te spetemo!

---

Come scrìvar na voze	Come scrìvar in vèneto	Modełi racomandai	Scrivi co ła comunità

Ciao Francesco, bevegnesto inte ła comunidà. La voze "Fołina", che ti ga zlargà par benon, ła rezulta ancora scrita in variansa belumat, ma anca se no so miga esperto go idea che ti dopari ła variansa trevizan drita piave. Se ti pol spesifegar in che variansa ti scrivi sarà pi' fasile łasarghene uzma (azornando el modèl), in particołar in vista de future coresion da far in automadego co i bot. Grasie. Ciaurlec (msj) 15:33, 5 ago 2024 (CEST)Rispondi

Ciao Ciaurlec,

mi parle el trevixan de çanca piave (altotrevixan). Fae come a specificar el dialet che dòpere? Graçie mili.

Francesco FrancescoColomberotto (msj) 22:45, 5 ago 2024 (CEST)Rispondi

Ciao Francesco, se meta a el inisio de la voze el modèl {{variansa}}, par ezenpio Ceza de San Marsilian la ze scrivesta co {{variansa|venesian|deca}} e Rotaẑion de le colture co {{variansa|primieròt|gvu}}. Se ti vol ti pol anca farlo prezene inte la to pazena de prezentasion.--Ciaurlec (msj) 16:59, 6 ago 2024 (CEST)Rispondi

Graçie! FrancescoColomberotto (msj) 10:19, 12 ago 2024 (CEST)Rispondi

Ciao @FrancescoColomberotto, te go scrito qua, poi go visto che te conosi raquante lengue. Se te voi dare na man a definire un po' de lìnie guida so grafia e convensioni te si el benvignùo! Sinucep (msj) 01:48, 4 mar 2026 (CET)Rispondi

Sì! Ò caro darve na man FrancescoColomberotto (msj) 09:27, 4 mar 2026 (CET)Rispondi

@FrancescoColomberotto, va ben, faxemo un breve scanbio de idee qua, poi verxemo na discusion so Wikipedia:Ciàcołe. Un paro de robe che go pensà:

• El senso prinsipale de na Wikipedia in lengua vèneta el xe quelo che ga la Wikipedia in latin e in esperanto: doparare e studiare la léngua (parché no ghe xe quaxi nesun al mondo che el sa solo che el vèneto come unica lingua, quindi el senso no el poe èsare de tradure na voxe in vèneto par difòndare la conosensa tra i venetofoni)
• Dal primo ponto disende che ogni variansa veneta la porta una richesa par l'ensiclopedia
• Me piaxaria vèdare se se riese a definire, par scominsiare, de le linee guida par scrivare 2 varianse de vèneto: quelo che parlo mi (vèneto centrale) e quelo che te parli ti. E in pì de le linee guida par un "vèneto wikipedian" par chi che no sa ben un vèneto spesìfego, in modo che posa scrìvare fasilmente de le pajine desenti, e par scrivare le pàjine guida, che ga da capirle tuti.

Cosa g'in pénsito? Sinucep (msj) 13:13, 4 mar 2026 (CET)Rispondi

Par mi va ben, el me par un bon modus operandi. Se ti tu vol, mi te passe anca un me contato cussita magari ndon mejo par sentirse, dime ti FrancescoColomberotto (msj) 13:45, 4 mar 2026 (CET)Rispondi

@FrancescoColomberotto, perfeto, volentiera! Sinucep (msj) 23:19, 4 mar 2026 (CET)Rispondi

Oro, te contate mi FrancescoColomberotto (msj) 23:26, 4 mar 2026 (CET)Rispondi

Ciao @FrancescoColomberotto, go visto che so la voze Majolera te ghe uzà el caratare Ž. Sito sicuro che sipia na bona idea? No gavevino pensà de evitare caratari che no ghe ze in te le tastiere? Se rinunciemo a sta regola, ognuno podarà usare caratari strani de ogni tipo. Sinucep (msj) 12:03, 27 avr 2026 (CEST)Rispondi

Ciao, tu à rason a dirme cuesto, e te die calcossa in pi: ghe ò pensà ben sora al caratere da sielder, e me à parest (provisoriamente) la mejo sielta. Mi la ò la me grafia, ma — tegnendo da cont che la pagina la é scrita inte na altra varietà (primierot) — ripristinando i carateri originari de la lengua ò anca mes el caratere grafico vecio par coerença. Mi da ades in pò posse anca doperar esclusivamente la me grafia, ma no me par giust tirarme su a standard dapartut. Pitost, avarie pi caro parlarghen co chealtri wikipedian par catar un acordo grafico. Mi vae senpre vanti caso par caso, tanto la grafia la ndarà mudada par ogni pagina. Ti ditu che? Se tu à caro che mi canbie la grafia là e che mi dopere sol che la mea, mi fae. A mi me va ben tut. In ogni caso gracie! Te spete FrancescoColomberotto (msj) 12:20, 27 avr 2026 (CEST)Rispondi

@FrancescoColomberotto certo, parlarghine co i altri wikipediani xe la ciave par aver un consenso duraduro. No go capio ben da indove che vien fora la Ž. Da altre pajine del projeto vec.wiki o da corpora o codeghi scriti in primeot? Sinucep (msj) 16:05, 27 avr 2026 (CEST)Rispondi

@Sinucep la vien fora da la version originaria de la pagina, prima che vegnesse modificà tut par gnent FrancescoColomberotto (msj) 10:24, 30 avr 2026 (CEST)Rispondi

@FrancescoColomberotto, certamente ghe ze la bonafede da parte tua, ma parché te dizi che le modifiche le ze state fate par gnente? e parché te ritien che la Ž la zera giusta (e quindi te domando de novo, da dove saltela fora)?

Te invito a lezare:

• en:Wikipedia:Reverting

Anca parché poi vuto canbiare tutte le pajine scrite in primierot? se te voi propore de le linie guida par la varietà primierot bisogna parlarghine, in modo da avere un consenso. Perché in caso contrario, logicamente, un altro utente podaria ritegnere che le Ž no la va ben e cavarla via n'altra volta, dando inisio potensialmente a na guera de modifiche.

Pitosto, taca na discusion par introdure de le linee guida pal primierot, visto che ghe xera sta idea tenpo fa. Sinucep (msj) 12:04, 30 avr 2026 (CEST)Rispondi

@FrancescoColomberotto, un posto par discutare podaria esare la talk de

• Juto:Convension de scritura (che la ze na pajna che saria ora de ajornare)

Sinucep (msj) 12:20, 30 avr 2026 (CEST)Rispondi

@Sinucep Le modifiche (e no parle de TUTE le modifiche, difati mi no ò fat un senplice revert ma ò controlà par ben el storico) le é state fate par gnent parché no le aportea nissun vantajo a la pagina, se tu va a vardar cossa che l'é stat modificà intel giro dei ani l'é scuasi sol che è > ze, à > ga, ò > go, molž > mols... ma servelo a che?? A far su tut un missiot de dialeti sença orden?? Se la pagina la é scrita par primierot, che no l'é padoan o venecian o visentin, che utilità alo cavar via tuti i è par meter ze? L'é come se mi ndesse su le to pagine, che te à fat ti, e canbiesse la varietà veneta. Che senso alo?

Se l'é vera che Wikipedia VEC la é siora parché a ogni canton del mondo la lengua veneta la muda (come tute chealtre setemili lengue), e mi ghe crede (anca se, fusse par mi, farie su un standard e doperarie sol che cuel par scriver i articoi, come che - generalmente - ogni lengua la fa, ma la é sol che na me idea), l'é anca vera che mi ò da sentirme incentivà a "scriver come che parle". Se ti tu me canbia la pagina metendome in boca robe che no die, fà el "ze" e el "ga" in medo ai mont, sta coerença no la ghen é pi. Canbiar robe dialetai l'é ativamente contrario a sto caratere de WikiVEC l'inclusion de le varietà.

Mi, torne a dirte, in mancança de un standard ò cavà via tut cuel che no l'é primierot e ò tornà scriver - senpre in mancança de un standard veneto - co la grafia che la era stata originariamente doperada, par esser inparcial. Se el standard (o almanco na convencion fra i pi ativi de WikiVEC) no el ghen é, no l'à senso che mi vae a furigar onde che no ò scrit, a meter forme totalmente estranee al parlar de na xona. A mi me à bastà vardar el storico de le modifiche, l'é da là che la salta fora la ž!

Mi no ò caro far guere de modifiche, ma no ò gnanca caro veder na pagina scrita mal: un frankenstein de do varietà venete cussì da londi l'é ridicol da veder, da scriver, da leder, da vardar, a prescindere da la grafia. Son in disacordo co le to modifiche, ma tegne fede a che che ò scrit prima (testualmente: "Mi vae senpre vanti caso par caso, tanto la grafia la ndarà mudada par ogni pagina"). Donca, anca se ò caro che ti tu scancelesse le to modifiche, conosse che - in realtà - no me canbiarie (parché tant l'andarà tut mudà co se rivarà al standard).

In ogni caso, nò, no vui canbiar tute le pagine scrite in primierot, ma parecjar onde che le é state fate modifiche sença senso, che le va contro una de le carateristiche pi inportanti de WikiVEC. FrancescoColomberotto (msj) 01:13, 3 maj 2026 (CEST)Rispondi

P.S. citame co @Sinucep co te me scrivi se no ghe ze el ris-cio che no veda. Sinucep (msj) 16:07, 27 avr 2026 (CEST)Rispondi