Enzo Duse

Enzo Duse (Viładóxe, 2 de diçenbre 1901 – Venesia, 7 de lujo 1963) xe stà un giornałista e scritor itałian.


Biografia

Enzo Duse el zera nato a Viładoxe (RO) el 2 de diçenbre 1901, el zera el fioło del farmacista del paexe, Gaetano, sindaco dal 1902 al 1906.

Inte el 1906 el pare co la fameja el se trasferise a Rovigo e - inte el 1919 a Venesia che ła diventarà ła so sità de adosion.

A sołi 18 ani, poco dopo ła fin de ła Grande Guera el xe zà redatore de ła Gazzetta di Venezia, par pasar, inte el 1922, al Gazetin prima come inviado special e po' come critico cinematografego.

Inte el fratempo el taca a scrivare commedie, sia in italian che in vèneto.

De area liberałe, no 'l gaveva vołesto aderir al fasismo e questo a ghe ga creà non pochi problemi, soratuto quando - col dramaturgo Sem Benelli - el se zera fato promotore de ła Lega Italica imediatamente siolta dal fasismo co decreto ministeriałe.

Inte i dì ca xe seguìi ła fin del fasismo (25 de lujo 1943), el xe entrà inte el comitato de diresion del Gazetin e questo, col successivo ritorno al potere del fasismo republican sostegnù dai todeschi, el ghe xe costà na condana a diexe ani de prexon ała cuałe el xe riusìo a scanpare scondendose.

Entrà inte ła Resistensa, el ga cołaborà col Comitato de Liberasion Nasionałe de Udine.

A guera finìa el diventa diretore responsabiłe de Veneto Liberale, del Giornale delle Venezie e, fin al 1950 diretor de ła Gazzetta Veneta.

Inte el fratenpo el continuava a scrivare comedie in italian e veneto fin ała morte avegnù prematuramente el 7 de lujo 1963 a Venesia.

El comune de Viładoxe el ghe ga dedicà na via.

Opere

  • 1926 - Quelle oneste signore
  • 1929 - La veste di Raso
  • 1931 - Favola senza morale
  • 1937 - Ladri
  • 1938 - Introduzione alla vita eroica
  • 1939 - Maddalena occhi di menta
  • 1939 - Nemici dell'amore
  • 1943 - Virgola
  • 1945 - Quel si famoso
  • 1945 - Jou-jou
  • 1947 - Bona fortuna Piero
  • 1947 - Cavalcata
  • 1947 - Il sei di gennaio
  • 1949 - Le zitelle di via Hydar
  • 1951 - Carte in tavola
  • 1951 - Corpo a corpo coniugal
  • 1954 - Mato par le done
  • 1955 - Poker d'amore
  • Scholia Scholia el detien schemi gràfeghi so Enzo Duse
Controło de autoritàVIAF (EN) 309636337 · ISNI (EN) 0000 0004 3560 4349 · El vałore TO0V076527 de SBN no el xe mija bon. · LCCN (EN) no2015097931 · GND (DE) 1053583052 · WorldCat Identities (EN) no2015-097931

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.