Ła fortaja ła ze on piato tìpego itałian fato par ła pì gran parte de vovi e ła ghe someja a ła franseze omelette. Ła vien cuzinada da tute do łe parte e, drio che i ingredienti i sipie zontài intanto che ła se cuzina o a ła fine, ła vien doparada come secondo piato, contorno (conpanàzego) o dessert. L'omelette, che co cueła ła ze stada confondùa a l'èstaro fin i mezi ani Sincuanta, no ła vien mìa voltada fintanto che A ła se cuzina e ła vien servìa piegada in do e anca inbonìa co racuanti altri ingredienti.

Ła baze ła ze fata co i vovi zbatùi. Ai vovi crui a se ghe zonta altri ingredienti come formajo, prosiuto, pasta, verdure, łate, pan gratà.

El el zmisioto inpastà el va cuzinà pian pianeto so na tecia o inte el forno. Co ła ze cota, ła fortaja ła pol èsar inbonìa de pì, par ezenpio co formajo, sałado, verdure, ciocołata, marmełata, fruta, erbe aromàteghe evc.

N'altra manjera, cuando che i vovi zbatùi i ze butài sora chełaltri ingredienti diretamente inte ła tecia sol fogo, ła ze descrita da l'Artusi.

Ła manjera pì doparada de pareciarla ła ze co łe çéołe. A l'è on piato de ła tradision popołare itałiana: l'è fato co łe çéołe (par de pì cuełe bianche), che łe ze fate sfrigołar so racuanto ołio de ołiva, vovi, sałe, formajo gratà e péare.

Ła fortaja co łe çéołe l'è stà el piato poareto tra i pì doparài inte i dieze ani pasài, defati ła jera manjada come piato prinsipałe da contadini, operài e łaoradori a zornada.

• Wikimedia Commons el detien imàjini o altri file so fortaja