Na idea (dal grego ἰδέα 'aspeto, apariensa, forma', rełasionà co εῖδος eîdos, ‘vista, vixion, aspeto’) ła xe na reprexentasion mentałe che ła sorxe al partir del rajonamento o de ła imaxenasion de na persona. Ła xe considerada cofà el ato pì de baxe del intendimento, co se contenpla ła mera asion de conósare calcosa.

Ła capasità omana de contenplar idee ła xe asociada a ła capasità de rajonamento, autoreflesion, ła creatività e ła abiłità de ciapare e aplegar el intełeto. Łe idee łe dà logo ai conceti, che i xe a ła baxe de calsiasi tipo de conosimento sienfìtego o fiłoxòfego. Sensa dùbio, inte on senso popołar, na idea ła połe èsar susitada anca sensa ła riflesion, par exénpio parlando de l'idea de na parsona o de on logo.

Na idea ła xe on tèrmano filoxòfego che, in xenerałe el se połe anałixar soto cuatro ponti de vista:

• Lòxego: La idea ła xe ecuiparàbiłe a on conceto o a na prepoxision, che ła tien on signifegà.
• Ontolòxego: La idea ła xe ecuiparàbiłe a calche material che existe inte el mondo reałe.
• Trasindentałe: La idea cofà na posibiłità del conosimento e ła xe calcosa co ła cuała se vołe esprìmar calcosa par otegner pì conosimento de cheło co ła cuała se ga a che fari e/o de cheło che se xe drio tratar o studiar.
• Psicołòxego: La idea ła xe ecuiparàbiłe a na reprexentasion mentałe sojetiva.

• Wikimedia Commons el detien imàjini o altri file so Idea
• Scholia el detien schemi gràfeghi so Idea

• (EN) ideaEnçiclopedia Britannica, Encyclopædia Britannica, Inc.
• (EN) Idea, in Catholic Encyclopedia, Robert Appleton Company.