Lonson

Pozision
45°38′00″N 12°28′50″E45°38′00″N, 12°28′50″E
Stato	Itàłia
Rejon	Vèneto
Sità metropułitana	Sità metropułitana de Venèsia
Comuni de l'Itałia	Méoło
Popołasion
Caze abitae	1205
Zeografia
Altitùdene	2 m
Dati istòreghi
Dì festivo	Festa patronałe(30 de setenbre)
Patrono	San Xeròlamo saçerdote e dotor
Còdazi de identifegasion
Còdaze postałe	30020

Lonson la xe na fraçion del comun de Mègolo, inte la provinçia de Veneçia.

Lonson el xe situà a nord-est del capologo comunal che 'l se cata a çirca 3 km. El pìciolo çentro abità, çircondà da la canpagna el xe traversà dal fiume scolo Corejo. A nord el confina col comun de Monastier de Treviso e Fossalta de Piave. A est el confin col comun de Musil el xe rapresentà dal tracià de la SS 14 Triestina.

La picenina fraçion de Lonson de Mègolo la xe ciamada par italian cofà Losson della Battaglia a recordar la Granda Guera che la ga segnà sto toco de tera de la bassa Piave. El tremendo evento de guera el ga coinvolzesto Lonson cofà avanposto nemigo estremo e canpo de bataja, reconquistà intel zugno del 1918 co gravi pèrdete. Un picenin monumento posto a la porta del çentro abità el xe stà ereto da la seçion artijeri de Mègolo intel zugno del 1980 come testimoniança de la tràsega bataja del sostiçio. Inte na làpide xe reportà el sevente: "Inte la note del 25 de zugno 1918 da sta riva sagra al destin de la patria, fanti, audaci, bersajeri, cavalieri, artijeri e zèneri de la invida III armada in un tumulto de schiere coçante e fragor de armi i ga spostà a reconquistar quel lenbo de tera italian che 'l sagrefiçio de vita e sangue dei fioi pi boni el ga consagrà a la Patria. Unidà parteçipanti: divisioni 22, 23, 37, Pèrdete 3000 morti, 20000 feridi".

Realizà graçie la volontà del comun de Mègolo che 'l xe stà in grado de requalifegar na zona poco doparà del paese, el parco el xe stà dedicà al bersajer Attilio Verdirosi (Longone Sabino 1-07-1873; Lonson 19-06-1918). Medaja de oro al valor militar, el xe stà perdesto propio vesin de Lonson durante i tràseghi conbatimenti che i xe avegnudi intel zugno del 1918, morto da na mitrajatriçe nemiga che fin a l'ùltemo el ga çercà de blocar par fermar el sparzimento de sangue dei conpagni.

La cesa parociale de Lonson, intitolada a San Zeròlamo saçerdote e dotor, la xe stà ereta intel 1922 da la comunità locale. In realtà se trata de recostruir l'antiga cesa desfada dai eventi de guera. Inte l'àsside de la cesa el xe piaçà un organo de la casa organaria Vincenzo Mascioni datà 1928, a 2 manuali e pedalera. Intel 1988, par esigençe litùrzeghe el pìciolo organo el xe stà eletrifiegà e anplià de 5 registri sonori, dotà de na nova consol a trasmission elètrega.

• Bortoletto Toniolo, Le Tre Venezie, Grafiche Antiche S.r.l. Cornuda, Treviso, 2001 n.1.