Marmota

Rezistrasion
Dati
Fonte de	marmot oil (en)
Perìodo
Miocene (it) —
Tasonomia
Clase	Mammalia
Órdene	Rodentia
Fameja	Sciuridae
Sotofameja	Xerinae
Zènare	Marmota Blumenbach, 1779
Nomenclatura
Sinònemi	Arctomys

Ła marmota ła xe un mamìfero roditore (Marmota marmota) ke vive in alta montagna intrà i 1500 e i 3000 metri de quota. El nome todesco xe Murmeltier, keło inglexe marmot e keło italian marmotta. Ła xe longa dai 30 ai 60 cm e ła ga na coa de 10 — 25 cm. El peło xe de cołor maron. Ła se trova 'nteł'emisfero boreałe (Eoropa, Axia, Nord America) e ła pol vivere fin a 15 ani. In inverno ła va in letargo drento ła so cucia soto tera, coła tenperatura del corpo ke ła va a meno 5, co na frequensa cardiaca de 15 batiti al minuto, consumando el graso ke ła ga meso su in istà.

El genare Marmota comprende łe spece ke vien drio:

• Marmota marmota - marmotta alpina
• Marmota monax
• Marmota olympus
• Marmota caudata
• Marmota camtschatica
• Marmota menzbieri
• Marmota baibacina
• Marmota bobak
• Marmota sibirica
• Marmota himalayana
• Marmota vancouverensis
• Marmota broweri
• Marmota caligata
• Marmota flaviventris

Łe marmote łe xe bestie ke vive in cołonie e łe se difende dai predatori tegnendoghine senpre una de guardia. Sta qua ła sta drita sułe sate de drio a vardar tutintorno e quando ke ła se inacorxe de un pericoło ła fis-cia forte un ałarme par tuta ła cołonia, cusì ke tuti i scapa drento le so cuce soto tera. Ste cuce łe xe fate de buxi longhi anca 10-70 metri, co diverse entrade. Łe marmote łe magna erba, raixe, semense e baùti.

I predatori de łe marmote xe el gavinel, ł'aquila real, ła pojana, el corvo inperial, ła volpe, el bero, ła łinçe.

• Wikimedia Commons el detien imàjini o altri file so Marmota
• Wikispecies el detien informasion so Marmota
• Scholia el detien schemi gràfeghi so Marmota