INFORMASILENGKAP.COM

**Montegroto**
Montegrotto Terme (it)
	; ;
Pozision
	45°20′N 11°47′E
Stato	Itàłia
Rejon	Vèneto
Provinsa	provincia de Pàdoa
Capitałe	Montegrotto Terme (it)
Popołasion
Totałe	11 391 (2023)
Densità	741,12 hab./km²
Zènaro
Demònemo	sampierani, sampietrini ,
Zeografia
Parte de	provincia de Pàdoa
Àrea	15,37 km²
Altitùdene	11 m
Rente a	Àbano ; Bataja Terme ; Galzignan Terme ; Do Carare ; Toreja
Dati istòreghi
Dì festivo	Festa patronałe(29 de giugno)
Patrono	San Pièro
Còdazi de identifegasion
Còdaze postałe	35036
Còdaze de matricołasion	PD
Clasifegasion climàtega	clima subtropegałe ùmido
Prefiso tełefònego	049
ID ISTAT	028057
Còdaze catastałe de Itàlia	F529
Sito web	comune.montegrottoterme.pd.it

Montegròto^[2] (it: Montegrotto Terme) el xe un comune de 10 315 abitanti de ła provincia de Padova.

Montegroto ła xe conosesta in gran parte d'Eoropa par łe sue cure termali, infati da difarénti miłeni in sto teritorio qua ghe salta fóra da drénto ła tera fónti d'acqua termałe, che ła ga dà a Montegroto e più in xenerałe łe Terme Eugànee a na richésa ecònomega e culturałe. Ła sità ła xe séde de un inportante muxeo, que ło internasionałe del véro d'arte e de łe terme, de ła Butterfly Arc - Caxa de łe farfałe e de inportanti scavi romani. Montegroto ła xe meta de turismo internasionałe, chel vegne in sità non soło par łe cure ma anca par l'inportante testimoniansa culturałe, artìstega e naturałìstega del posto.

Storia

Xà i paleovèneti i gaveva squerto l'aqua termałe e i pensava che fuse i dèi quei chei ghe ła dava. Co che ghe xe rivai i Romani, ghe xe sorte łe prime terme ufisiałi: in sti ténpi qua l'inportansa de Montegroto ła gera łigada a queła de ła tacada Àbano, inportante séntro rełigióxo.

A ła cascada del'inpero roman Montegroto, conpagna a tuta ła xona eugànea, ła ga perso splendor, par cólpa dei Bàrbari e de fenòmeni bradisìsmisi. Verso el 1200 el comun el xe intrà inte el òrbita del comun de Pàdova, chel gà posto łeje par ła conservasion del łógo. Daspò qualche dexina de ani ghe xe rivai i Cararéxi, chei ga regnà par squaxi un sècoło.

Xe parò soto el dominio de Venesia (dal XIV sècoło) che Montegroto ła se toe de nóvo ła sua inportansa come séntro termałe: mia soło riva un gran nùmaro de turisti da tuta l'Eoropa, ma anca paréci patrisi venesiani ghe fa tirar so łe łoro viłe de canpagna par sti posti

Col tratà de Canpoformio (1797) Venesia ła pasa a Napołeon e co Congreso de Viena (1815) ła xe tólta dal'Àustria. In sto perìodo nóve łeje łe xe fate par protèxare, sta volta, diretamente l'aqua termałe, dàndoghe na sistemada a ła xona. Montegroto, Montagnon e Bataja i devénta tuti un comune soło.

Durante ła prima guera mondiałe ła xe quartiér xenerałe de łe forse armade itałiane. Inte ła seconda Montegroto ła xe stata inportante séntro de rexisténsa al Fasismo; daspò ła ga fata "stasion de cura, sojorno e turismo".