Scamandro

Sorte	Fiume
Posto
Rejon aministrativa	Turchia
Dati e sifre
Mezura	97 () km

Lo Scamandro l'e un fiume de la Troade ciamà ancò Küçük Menderes in lengua turca

Ancò el so corso l'e sta cambiado, na volta el se butava ne l'Elesponto col so afluente Simoenta.

Ne l'antica Grecia l'era anca el nome del Dio fiol de Zeus de le so aque. Insieme a la ninfa Idea l'a generà Teucro, el primo re de la Troade. n'altra so fiola l'e stada Glaucia, che inamorada de l'eroe Dimaco a la morte de questo se mixe soto al protesion de Eracle che l'era amico de Dimaco, visto che ela l'era incinta. Da Glaucia l'e nato un fiol de nome anca lu Scamandro. (Plutarco, quaestiones Graecae, 41). Un'altra fiola de Scamandro le Calliroe, che l'e diventà mojer de Assaraco e antenata de Anchise.

Ne l'Iliade de Omero se ciama anca Xanto dal color xało de le so aque.

l'e sità in sti punti:

• V 36, 77, 774
• VI 4
• VII 329
• VIII 560
• XI 499
• XII 31, 313
• XIV 434
• XX 40, 74
• XXI 2, 124, 146, 223, 305, 331, 337, 365, 383, 603
• XXII 148
• XXIV 693

Inte el vintuneximo canto se descrive la lota de Achille con Scamandro che l'era agro de vedar le so aque sporcade col sangue e i corpi de tanti morti copadi da quel'eroe.

Ne la Leteratura latina el nome del Scamadro l'e tante volte combinà con quel del Simoenta par indicar un fiume famoso perché cantà da Omero (per es. Properzio, III, 1, 26) o usando na perifrasi par no dir Ilio, (ad es. Orazio, Epodi, 13, 14).

Scamander l'e anca el nome de na cità de l'isola de Tasmania

• pantheon.org Archivià il 5 de aprile 2016 in Internet Archive., scheda
• Robert Smith, Dictionary of Greek and Roman Biography and Mythology Archivià il 6 de lujo 2008 in Internet Archive., scheda

• Robert Graves, I miti Greci, Milano, Longanesi 1983