Washington Wizards

Dati
Sorte	scuadra de bałacanestro
Istòria
Creasion	1961
Atività
Spor	Bałacanestro
Liga	NBA
Stàdio	Capital One Arena: Washington D.C. (1997–). 20 674
Governo d'impresa
Ałenador	Brian Keefe (it) (2024–)
Parte de	NBA Southeast Division (it)
Sito web	nba.com…
Pozision

I Washington Wizards i ze una de łe trenta scuadre che łe zoga inte ła NBA, el canpionado de basket meregano. I ga un ocio de revardo pa’l fato che i ze ła scuadra de ła capitałe de i Stati Unii; A ghe ze suito da dir che da ła só fondasion inte’l 1961 ła scuadra ła ga canbià un saco de nomi: Chicago Packers, Zephyrs, Capital Bullets, Washington Bullets, Wizards.

Fin a i ani Setanta i ga vùo alti e basi sensa mai sfondar, fin parò a’l 1978 co i ze stài in grado de vìnsar el canpionado batendo in finałe i Seattle Supersonics. El 1997 ła popołarità de i Wizards ła ze de inprovizo sciopada grasie a’l fato che Michael Jordan, che el se jera retirà pochi ani prima, el ga desizo de tornar a zogar proprio co łuri. Inte’l 2003 a ze rivà invese Gilbert Arenas che, par sete ani, el ze stà el nome sìnboło de i Wizards; fin a’l 2021 invese no i ga mìa vùo partegołari sucesi, e proprio par sta razon (el marcà NBA el funsiona, par dirla in breve, che chi che’l va mal un ano, par cueło dopo el ga derito de cronpar i zogadori prima de cheł'altri) A ze rivà el playmaker John Wall, e dopo de łu Kirk Hinrich, Trevor Ariza, Emeka Okafor, Bradley Beal e altri che, anca deso, i ze cuełi che i ze drio inbastir sù i sucesi de na scuadra che ła se pol métar rento tra łe pì bone de ła NBA.