It Lingganay Festival kay kada tu-ig nga guinseselebrar ha bungto hit Alangalang ha probinsya han Leyte kada ika-19 hit Hunyo [1]. Ini nga selebrasyon kay guinbase han istorya han mga taga-Alangalang han pagkawara han ira bulawan nga lingganay ha salug han Bakga. Ini nga ira piyesta kay bumulig na ha magkadirudilain nga piyesta ha Pilipinas. Upod na ini an Pintados Kasadyaan Festival ha siyudad han Tacloban, Sinulog Festival ha siyudad han Cebu ngan an Aliwan Festival ha siyudad han Pasay. [2]
Tinikangan nga Istorya
Sumala ha mga taga-Alangalang, hadto nga adlaw, han pagpakalas an mga pirata nga moro ha mga taga-Alangalang, guintalinuhaan nira nga makaeskapo ha ira, upod an bulawan nga lingganay. Han ira pagabot ha salug han Bakga, guinlabog nira an lingganay ha guilalarumi nga parte han salug para diri ini makuha han mga pirata nga moro. Hasta yana, waray la guihap ini katad-a nga lingganay. Pero sumala han siring han mga taga-Alangalang, it iya pagbagting kay puyde la guihap mabatian tikang ha ilarum han salug.[3]
Mga Gamit
Hit ira mga pasundayag, haros tanan nga ira mga gamit, upod na ngadi an ira mga bado, hin may korte hin lingganay nga magkadirudilain it kadako ngan kolor. [4]
Mga Kadaugan
- Pintados Kasadyaan Festival 2006 - Ika-upat nga puwesto (kategorya han Kasadyaan) [5]
- Pintados Kasadyaan Festival 2007 - Ika-tulo nga puwesto (kategorya han Kasadyaan) [6]
- Pintados Kasadyaan Festival 2011 - Ika-siyahan nga puwesto (kategorya han Kasadyaan) [7]
- Pintados Kasadyaan Festival 2012 - Ika-siyahan nga puwesto (kategorya han Kasadyaan) [8]
- Pintados Kasadyaan Festival 2013 - Ika-duha nga puwesto (kategorya han Kasadyaan) [9]
- Pintados Kasadyaan Festival 2015 - Ika-duha nga puwesto (kategorya han Kasadyaan) [10] [11]
- Sinulog Festival 2012 - Ika-siyahan nga puwesto (kategorya han gawasanon nga interpretasyon) [12] [13]
- Sinulog Festival 2012 - Pinakamaupay nga panmado (kategorya han gawasanon nga interpretasyon) [14]
- Sinulog Festival 2012 - Pinakamaupay ha musika (kategorya han gawasanon nga interpretasyon) [15]
- Sinulog Festival 2013 - Ika-siyahan nga puwesto (kategorya han gawasanon nga interpretasyon) [16]
- Sinulog Festival 2015 - Ika-duha nga puwesto (kategorya han gawasanon nga interpretasyon) [17]
- Aliwan Festival 2012 - Ika-tulo nga puwesto [18]
Guinkuhaan