Lonzo Anderson Ball (gin-anak han Oktubre 27, 1997)[1] usa ka 6-foot-6-inch (1.98 m) nga Amerikano na professional basketball player para ha New Orleans Pelicans. Usa ka high school senior han 2016, gin hatagan hiya hin madamo na nasyonal high school player ha tuig na mga karangalan, ngan bumulig han hiya high school na koponan na magin maupay ngan waray pirdi ha bug-os na basketball season, ngan an nasyonal championship.[2][3]Hiya gihap an magiging kabatos unta kan Kobe Paras kun waray la bumalhin hin college hi Paras. Usa hiya ka freshman yana na 2016–17, nakuha niya an first-team All-American nga karangalan ngan ginsisiring na usa ha mga aada ha bawbaw na parte o usa ha mga mauuna na makuha yana na 2017 NBA draft.
Hi Lonzo kay gin-rate na consensus five-star recruit hit mga major scouting na mga serbisyo, ngan an numero uno na point guard.[16] Han Nobyembre 2015, nag lagda hiya hin National Letter of Intent para kumadto ha University of California, Los Angeles (UCLA), ngan magmulay para ha Bruins.[17] Usa ka freshman ha yana na season nga 2016–17, usa hiya ha 50 ka players na ginpangaranan ngadto ha preseasonwatch list para ha John R. Wooden Award, na ginhahatag kada tuig ngadto ha pinakamakarit na college player ha nasod.[18] An vision ngan an passing skills ni Lonzo an nagbulig hit UCLA para kumadto ha igbaw hit national rankings.[19] Para han iya pinakauna na collegiate na mulay kalaban it Pacific, nakakuha hiya hin 19 ka puntos, 11 ka assists, ngan otso ka rebounds. Han matatapos na ito nga tuig, ginpangaranan hiya na MVP hit Wooden Legacy tournament, katapos niya ginbuligan an UCLA na dumaog kalaban an Texas A&M ha championship game.[20] Hi Lonzo kay nagpapabilin ngadto ha Wooden Award na lista ha midseason, ginupdan gihap hiya hit freshman na kabatos na hi T. J. Leaf, ngan an UCLA kay usa ha lima la nga iskwelahan na may duha ka players na nahingadto ha lista.[21]
Ha 107–66 na blowout nga daog hit UCLA kalaban an Washington, hi Lonzo kay nakakuha hin 22 ka puntos, unom ka rebounds ngan lima ka assists.[22] May hirani na umabot hin duha ka dozena nga NBA executives para kumita, an mulay kay nag match kan Lonzo kalaban an star-player hit Huskies na hi Markelle Fultz, na usa gihap ha mga pinakamakarit na point guard ha nasod ngan api ha mga ginsisiring na maapi ngadto ha bawbaw hit 2017 NBA draft.[22][23] Hi Fultz kay nakakuha hin 25 ka puntos ha usa ka patas na matchup ha duduha ka magkarit na freshman.[22] Hi Lonzo kay upod ha tutulo ka Pac-12 freshman (upod na ngadto hi Fultz ngan Arizona's Lauri Markkanen) nga api ha 15 ka nominees hit katapusan na ballot para ha Wooden Award.[24] Upod gihap hi Lonzo ha napulo ka semifinalists para ha Naismith College Player of the Year.[25] Ngadto ha katapusan na mulay hit UCLA, hi Lonzo kay nakakuha hin career-high na 14 ka assists ngadto ha 77–68 nga daog kalaban it Washington State, gin pirdi gihap niya an kan Gary Payton's Pac-12 na single-season rekord para ha assists tikang ha usa ka freshman.[26] Ginpangaranan hiya na first-team All-American hit Sporting News.[27] Damo gihap nagbotos ha iya para ha Pac-12 Freshman of the Year, ngan ginpangaranan hiya ngadto ha first-team All-Pac-12 upod an iya mga batos na hi Leaf ngan Bryce Alford.[28]
↑Flores, Ronnie (20 Mayo 2016). "Lonzo Ball Named Mr. Basketball USA". Ballislife. Ginhipos tikang han orihinal han 9 Hunyo 2016. Ginkuhà 10 Marso 2017. Cite uses deprecated parameter |deadurl= (help); Invalid |deadurl=dead (help)
↑"Lonzo Ball". Verbal Commits. Ginhipos tikang han orihinal han 24 Mayo 2016. Ginkuhà 10 Marso 2017. Cite uses deprecated parameter |deadurl= (help); Invalid |deadurl=dead (help)